Phó Thủ tướng Trần Hồng Hà tơƀâp lơ kơdră chĕp kơ̆l tĕh đak Nhật Bản
Thứ bảy, 09:17, 04/03/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Kơsơ̆ 3/3, lơ̆m ‘măng năm Hop akŏm đe ƀok Kơdră găh Tơpôl ưh đei tơlĕch kơchơ̆t ‘mê̆ ‘mach châu Á tơ̆ Tokyo, Nhật Bản, Phó Thủ tướng Trần Hồng Hà tơƀâp Kơdră Hạ viện Hosoda Hiroyuki, Kơdră Khul ngĭ si jang tơbôl Nhật-Việt Nikai Toshihiro păng Kơdră tơm vei lăng mŭk drăm, tĕch mơdro păng jang kơmăy Nishimura Yasutoshi.
Tơ̆ jơ tơ ƀâp Kơdră Hạ viện, Phó Thủ tướng Trần Hồng Hà tơchĕng ‘lơ̆ng tơdrong jang tŏk tôch hơ iă găh tơdrong pơvei jang hơdoi gĭt kăl đơ̆ng Việt Nam-Nhật Bản; athei Kơdră Hạ viện Hosoda tơgŭm pơm hơtŏk tơdrong tơƀâp tih đơ̆ng Khul kơdră tĕh đak, Kuô̆k hô̆i, dôm ngĭ si oei mơlôh đơ̆ng 2 tĕh đak; athei Khul kơdră tĕh đak Nhật Bản tơgŭm ăn Việt Nam atŏk tơiung trong nơnăm, anih jang gĭt kăl, tưk tơ iung khul bơngai jang rơgei, tơplih ming unh hơyuh ‘nao kŭm nhen hơtŏk tơdrong jang hơdoi găh tơchĕng hơlen khoa hŏk, pơtho tơƀôh kơmăy kơmok păng tơgop ăn tơdrong jang tŏk pran kơjăp.
Viết bình luận