Tơ̆ jơ xơng, Phŏ Thủ tươ̆ng Trần Hồng Hà ăn tơbăt, hăm tơdrong vang pơm kiơ̆ tơchơ̆t Pơdrơ̆ng jang hadoi axong unh hơyuh hơtŏ hơnơ̆ng (JETP), Việt Nam hơpơi 'moih đei iŏk tơdrong tơgŭm găh kih thuơ̆t đơ̆ng dôm anih jang hadoi lơ̆m kơpal teh lơ̆m tơdrong tơlĕch pơm kiơ̆ Pơdrơ̆ng (JETP) găh: Tơchơ̆t pơjing dôm anih jang unh hơyuh hơmet pơ-'lơ̆ng đơ̆ng kial tơ̆ đak dơxĭ, tơdrong dui unh hơyuh thŏng mĭn hăm jên huach trŏ ƀlep hăm tơdrong pơm jang xa jên khei đơ̆ng kon pơlei Việt Nam; pơkăp găh jên hu xơđơ̆ng, hơtŏk tenh tơplih unh hơyuh yua, tơplih jơk nhen pơkăp. Kiơ̆ Phŏ Thủ tươ̆ng Trần Hồng Hà tơdrong kăp gĭt hloh dang ei noh kăl đei dôm hơyak jang, pơkăp jang tơpă dôm tơdrong tơlĕch, kiơ̆ tơchơ̆t JETP găh tơgŭm trong jang 'nao, jên hu, vei hơlen... ăn dôm tơdrong tơplih jang găh unh hơyuh, ưh đei tơklăh teh đak hơtŏk tơ-iung păng tŏk bŏk oei hơtŏk tơ-iung.