Kiơ̆ tơroi tơbăt đơ̆ng Anih tơm Nội vụ, bơ̆jang kiơ̆ dôm Tơdrong tơchơ̆t kơ sô̆ 18, 19 đơ̆ng Trung ương găh tơplih ‘nao proh hơmet khŭl jang kơ anih jang chĭnh trĭ, đơ̆ng sơnăm 2021 truh dang ei, hlôi tơjur 17 anih jang păng khŭl jang; tơjur 8 anih jang găh anih jang dơnơm păng găh Anih tơm; tơjur 7 anih jang păng hloh 2.100 lăm jang găh Anih vei lăng kon pơlei tơ̆ dêh char, tơ̆ apŭng; tơjur vă jê̆ 7.500 anih jang tơdrong jang teh đak, iŏk đei 13,5% pơtêng hăm sơnăm 2016.

Truh đĭ sơnăm 2021, jang đang hloh tơdrong hơgăt tơjur ƀiên chê̆ ( hăm grŭp jang teh đak ‘noh 10% păng grŭp anih jang tơdrong jang teh đak ‘noh 11,6% bơngai jang teh đak sa jên khei đơ̆ng jên jang teh đak). Pơtôch jơ bơ̆jang, Phŏ Thủ tướng Trần Lưu Quang chih iŏk, lăng ‘lơ̆ng dôm jơnei mă Anih tơm Nội vụ hlôi iŏk đei đơ̆ng rŏng Hop akŏm 13 kơ Đảng truh dang ei. Găh 1,2 nơ̆r tơgop đơ̆ng Anih tơm Nội vụ, lơ̆m noh đei tơdrong Khŭl kơdră teh đak jăh đei nơ̆r tơgop găh tơdrong jang tơplih ‘nao proh hơmet anih jang tơdrong jang teh đak păng tơplih 1 kơ sô̆ bơngai jang kơ teh đak jing bơngai jang vei lăng kơ teh đak.