Kơ kuh chơt hơiă kơ yă Marisa Lago truh tơ̆ Việt Nam, Phŏ Thủ tướng Trần Lưu Quang pơma hơdăh, Việt Nam ‘meh vă pơtrŭt tơdrong pơvei đơ̆ng 2 teh đak roi ‘năr roi tơpă hloh, tôm tơdrong hloh. Phŏ Thủ tướng athei Phŏ kơdră Anih tơm vei lăng găh mơdro sa Mi Marisa Lago tơgŭm tơgoăt hơdai dôm bơngai tơmơ̆t jên jang Mi, mă loi ‘noh lơ̆m dôm tơdrong jang kơmăy kơmŏk ‘nao, pơm tơlĕch kơmăy kơmŏk gre păr, vang jang tơmơ̆t jên jang tơ̆ Việt Nam; athei 2 teh đak gơh set hơlen jang hơdai lơ̆m dôm tơdrong jang vang tơroi tơdrong hlôh vao, kơtơ̆ng ang, trong jang tơgŭm ƀơm truh pơtrŭt tơplih kơ sô̆, hơtŏk ‘lơ̆ng tơdrong gơh jang păng tơdrong kơ sô̆ ăn khŭl jang pơ đĭ lơ̆m tơdrong jang teh đak păng kơ dih.

Phŏ Thủ tướng pơma hơdăh Việt Nam gô kơchăng jang hơdai hăm Mi vă hơmet pơ ‘lơ̆ng dôm tơdrong bơngơ̆t truh đơ̆ng 2 teh đak, pơvei tơdrong mơdro sa sơđơ̆ng, yak truh tơdrong hơtŏ hơnơ̆ng mơdro sa lăp ‘lơ̆ng, kơjăp, vang đei yua.