Kơsơ̆ 16/2, tơ̆ Hnam Kuô̆k hô̆i, Phŏ Kơdră Kuô̆k hô̆i Trần Thanh Mẫn pơgơ̆r hop akŏm pơdrơ̆ng nơ̆r ăn dôm tơdrong jang vă Tơbăt 80 sơnăm năr mă blŭng Pôk rơih Kuô̆k hô̆i Việt Nam (06/01/1946 – 06/01/2026). Phŏ Kơdră Kuô̆k hô̆i Trần Thanh Mẫn athei tơdrong pơgơ̆r tơbăt mă ‘lơ̆ng, gơ̆h ‘mơ ‘met, pơjing đei jơhngâm ‘nă hal lơ̆m tĕh đak.

Hăm tơdrong kăl ‘nŏh, tơdrong pơgơ̆r tơbăt kăl đei tơlĕch hăm lơ trong jang, rơih đei tơdrong tơm, tơdrong kăl; tơklep hăm dôm tơdrong jang tơbăt dôm năr lêh tih lơ̆m sơnăm; pơm ‘lơ̆ng lăp hăm dôm tơdrong tơ̆ yăn âu, sơđơ̆ng, gơ̆h ‘mơ ‘met, đei yoa, pơjing đei jơhngâm đon ‘nă hal lơ̆m tĕh đak. Phŏ Kơdră Kuô̆k hô̆i Trần Thanh Mẫn tơtă athei hơmet mă ‘lơ̆ng Lêh míttinh tơbăt 80 sơnăm Kuô̆k hô̆i Việt Nam. Hơdai hăm ‘nŏh, tơlĕch tơdrong pơjei băl jang rơgei hơ-iă ăn 80 sơnăm Kuô̆k hô̆i Việt Nam.