Tơ̆ hop akŏm âu, Anih chĕp kơ̆l pơgơ̆r Kuô̆k hô̆i tơgop nơ̆r găh 1,2 tơdrong tih oei đei lơ nơ̆r pơma phara băl lơ̆m dôm khôi luơ̆t, lơ̆m nŏh đei: Luơ̆t Tang găn đơ̆ng kon pơlei; Luơ̆t Vei lăng tơdrong đei yoa đơ̆ng bơngai răt tơmam (oei chih hơmet); Luơ̆t Tĕch mơdro hăm điên tư (oei chih hơmet); tơdrong tơchơ̆t vei lăng kơsô̆ chih răk đơ̆ng rim bơngai; tơdrong tơchơ̆t găh hơnăp jang, tơdrong jang păng hơmet khul bơngai jang lơ̆m Ban Thư ký;

Tơdrong tơchơ̆t đơ̆ng Anih chĕp kơ̆l pơgơ̆r Kuô̆k hô̆i găh tơdrong pơjei, pôk hơpăh hăm dôm bơngai tang măt Kuô̆k hô̆i, dôm anih jang kơ Kuô̆k hô̆i, dôm Anih jang găh Anih chĕp kơ̆l pơgơ̆r Kuô̆k hô̆i păng kăn ƀô̆, bơngai jang găh tơdrong vei lăng đơ̆ng Anih chĕp kơ̆l pơgơ̆r Kuô̆k hô̆i. Anih chĕp kơ̆l pơgơ̆r Kuô̆k hô̆i oei vă set hơlen, pơdrơ̆ng nơ̆r ăn tơdrong tơchơ̆t sek phak jên lơ̆m tơdrong jô̆ hơlen jên tĕh đak; tơdrong tơchơ̆t pơtho tơƀôh pơm Kiơ̆ tơdrong hơgăt Hop akŏm Kuô̆k hô̆i.