Ƀok Nguyễn Ngọc Ánh, Kơdră Anih jang hơlen dêh char Lâm Đồng 'nao ƀơm Anih kanh sat hơlen kơ Anih tơm Kŏng ang tơlĕch Tơchơ̆t tơkêng, Tơchơ̆t rôp vei păng hơlen anih oei xa tơ̆ (phương 3, pơlei tơm Đà Lạt) vă hơlen găh tơdrong xa jên pơjĭp. Ƀok Ánh đei tơrĕk truh tơdrong pơm glăi lơ̆m tơdrong pơgơ̆r, pơkăp hơlen dôm tơdrong pơm yoch lơ̆m vei lăng, iŏk yua teh, pơjao teh, pơjao bri tơ̆ minh ƀar tơdrong jang tih kơ tơring teh apŭng Đức Trọng (Lâm Đồng).  Ƀok Ánh noh đảng viên akŏm tơ̆ Chi ƀô̆ Anih jang hơlen dêh char Lâm Đồng, lơ̆m Đảng ƀô̆ kơ dôm Anih jang dêh char Lâm Đồng. Tơ̆ hop akŏm, Anih juăt jang Tinh uy Lâm Đồng drơ̆ng nơ̆r pơkăl Trung ương pơdơh jang đảng hăm ƀok Nguyễn Ngọc Ánh.