Vă vei sơđơ̆ng Lêh cheh phe Buôn Ma Thuột ‘măng mă 8 gô jing hơnih năm truh “ ‘Lơ̆ng, sơ đơ̆ng, rơhâu păng ‘mêm kơ tơmoi” pơlei tơm Buôn Ma Thuột, dêh char Dak Lak tŏk bŏk đei lơ tơdrong jang vă vei sơđơ̆ng cham char tơmang lăng, anih kơ drơ̆m, 1 lơ̆m dôm tơdrong jang gĭt kăl ‘noh jĭ tơdrong jang hơdai đơ̆ng dôm anih jang, khŭl kơdră, kon pơlei vă găn đĭ tơdrong bơngai chă apĭnh jên đe, dui pơdŭng tơmoi tơmang lăng.

Kiơ̆ kơ ‘noh, pơlei tơm Buôn Ma Thuột hlôi athei dôm anih jang ƀơm truh, Anih vei lăng kon pơlei dôm phường, xăh akŏm jang hơdai bơ̆ jang kiơ̆, hơmet pơ ‘lơ̆ng tơdrong bơngai chă apĭnh jên đe kư̆ kă tơ̆ anih tơpôl.  VOV4.Bahnar -Mă loi ‘noh, ưh kơ lê̆ tơdrong bơngai chă apĭnh jên đe kư̆ kă lơ̆m năr pơgơ̆r Lêh cheh phe Buôn Ma Thuột ‘măng mă 8 sơnăm 2023. Hơdai hăm tang găn tơdrong chông ba, iŏk yua bơngai chă năm kư̆ kă, chă apĭnh jên đe vă dui pơ dŭng tơmoi, iŏk yua glăi pơm blĕk kơ đon lơ̆m tơpôl.