Pơma ăh akŏm pơtôch, Kơdră Kuôk hô̆i Vương Đình Huệ ăn tơbăt, tơ̆ 'măng hop akŏm âu, Anih juăt jang kơpal kơ Kuôk hô̆i hlôi tơgop nơ̆r găh minh ƀar tơdrong kăp gĭt oei đei nơ̆r pơma phara băl đơ̆ng dôm tơdrong chih akŏm Luơ̆t vei lăng kon pơlei; Luơ̆t vei lăng xơnong pơyua ăn bơngai răt yua (hơmet pơ-'lơ̆ng); Luơ̆t Pơm jang điê̆n tưh (hơmet pơ-'lơ̆ng). 3 tơdrong chih akŏm luơ̆t truh dang ei đei tôm pơkăp keh đang apinh iŏk nơ̆r tơgop đơ̆ng bơngai jang tang măt jjuăt jang găh tơdrong âu ăn Kuôk hô̆i.  Anih juăt jang kơpal kơ Kuôk hô̆i hlôi drơ̆ng nơ̆r hơlen Tơchơ̆t pơtho iŏk jang Tơchơ̆t 'măng hop akŏm Kuôk hô̆i păng Tơchơ̆t găh xơnong jang, tơdrong pơgơ̆r păng pơkăp jang kơ Jơnŭm thư kĭ. Hăm dôm tơdrong đei tơrĕk găh teh pơkăp 'măng mă âu hlôi pơkăp đei 1 pơlei tơm, 2 thĭ xăh, 34 phương, 11 thĭ trâ̆n păng đei tơmơ̆t hơmet hơgăt teh tơ̆ xăh lơ̆m tơring teh kơ 10 dêh char. Kơdră Kuôk hô̆i ră hơdăh âu jing hơyak kăp gĭt vă keh đang jơnŭm pơgơ̆r tơring păng pơm kiơ̆ Tơchơ̆t Trung ương găh tơdrong hơtŏk tơring kơdrâ̆m.