Đại tướng Phan Văn Giang, Kơdră jang lơ̆m Anih tơm Chinh trĭ, Phó bí thư Quân ủy Trung ương, Kơdră tơm vei lăng khul linh tĕh đak pơgơ̆r jơ tơƀâp. Pơma tơ̆ jơ tơƀâp, Đại tướng Phan Văn Giang pơma hơdăh, dôm anih chih hla ar tơroi tơ̆ Trung ương, tơring hlôi hơtŏk tơdrong roi tơbăt, tơplih ‘nao, hơtŏk tơdrong ‘lơ̆ng đei yoa đơ̆ng dôm tơdrong roi tơbăt, trang điên tư mưh roi tơbăt găh tơdrong jang kơ khul linh, vei lăng tĕh đak. Mă loi roi tơbăt dôm tơdrong jơnei ‘lơ̆ng đơ̆ng ‘măng pơdă tơmam khul linh apŭng plenh tĕh Việt Nam 2022; tơdrong jang tơgŭm dŏng tơdrong răm đơ̆ng rŏng tĕh tơdrŏ tơ̆ Thổ Nhĩ Kỳ âu ki đơ̆ng khul linh kon pơlei Việt Nam.