

Tơ̆ Thới Sơn, Thủ tướng pơma hơdăh hơnăp jang kăl kơ tơring sơlam teh đak lơ̆m vei kơjăp rơngei hiôk hian, jang hơdoi păng pơjing rơvơn ăn kon pơlei ƀar păh chă yak mơ̆t, mơdro sa dih băl. Thủ tướng athei kơdră tơring akŏm băt hơdăh dôm tơdrong lơ̆m kon pơlei, ưh kơ lê̆ đei khul kơnê̆ pơgơ̆m, adoi hơnơ̆ng ăn kang ƀô̆ dêh char năm jang tơ̆ phương trŏ lăp ‘lơ̆ng hơ iă, trŏ ƀlep hăm khôi luơ̆t. Tơ̆ tơring Mỹ Hiệp, Thủ tướng athei tơ iung pơjing proh hơmet tơdrong jang mă hơdăh, mă trŏ lăp hăm tơdrong jang kiơ̆ hơnih jang; jang ‘lơ̆ng bơ̆ jang hơmet ăn Hop akŏm tih Đang ƀô̆ rim hơnih, tơgop hơmet pơ ‘lơ̆ng khul kơdră chĕp pơgơ̆r tơring kơtoei, gơh hơgei, jơnei kơtang trŏ lăp hăm tơdrong ‘meh vă atŏk tơ iung kơ tơring.
Viết bình luận