Tơdrong vă jang ming man gơng Rạch Miễu 2 găn hloh đak kroong Tiền tơgoăt yak kloh klĕch 2 dêh char Tiền Giang - Bến Tre. Tơdrong  vă jang au kơjung 17,6 km, hăm akŏp kon jên tơmơ̆t jang hloh 5.175 ti hlak jên, đei klăh asong iung jang 6 tơnô̆ ming man, pơlăp.

Tơ̆ hơnih dăr lăng, Thủ tướng athei Tiền Giang păng Bến Tre pơrô̆ pơđĭ khul chĭnh trĭ vă hrôih jang keh đang iŏk tơvih teh, tĕnh koăng pơjing erih sa sơđơ̆ng ăn kon pơlei, sơđơ̆ng erih sa ăn kon pơlei yông oei tơ̆ hơnih hle ‘lơ̆ng hơ iă hloh oei tơ̆ hơnih so. Rim hơnih iŏk tơmơ̆t jang ming man kăl akŏm lơ khul jang, gre kmăi kmŏk tôm tong vă ming man keh đang ƀlep tơdrong pơkăp, hơdrin pơm keh đang gơng Rạch Miễu 2 lơ̆m khei 10/2025 vă kơkuh chơt hơ iă ăn Pơm lêh hop akom Đảng dêh char Bến Tre, hrôih hloh 6 khei pơtêng hăm tơlĕch iung jang lơ̆m khei 4/2026, sơđơ̆ng ‘lơ̆ng, kơjăp, veh ver apĭnh tơmơ̆t dơ̆ng kon jên jang, tang găn sa pơgơ̆m pơjĭp, pơhoach brăh brư, adoi lăng tông nông gia ‘lơ̆ng hơ iă truh tơdrong erih sa kơ kon pơlei.