Dang ei, Anih jang âu đei hloh 200 kang ƀô̆, bơngai jang rong ‘me vei lăng, pơtho pơhrăm pơm jang ăn jê̆ 477 ‘nu hơ-ioh pơti, bơngai hơven hơvo jo jăn, bơngai kră ưh đei ‘nhŏng oh vei rong, bơngai jĭ vơnh, lơ̆m noh đei 327 ‘nu hơ-ioh oei hŏk văn hoă. Kiơ̆ tơroi, đei pơhlom 10% ‘nu hơ-ioh tih vơ̆ hlôi kĕ pơvih kơdih ăn tơdrong erih po. Pơma ăh jơ tơƀơ̆p, Thủ tướng hơpơi ‘moih đe kang ƀô̆, bơngai jang tơ̆ Anih jang âu dăp đon dăp bơnôh, jang tơnăp xơnong jang po, lăng dôm bơngai đei vei lăng tơ̆ âu nhen ‘nhŏng oh po kơdih lơ̆m unh hnam, hơlêm pơtrŭt jơhngơ̆m vă bơngai hơven hơvo jo jăn, đe hơ-ioh ƀơm răm adrin hloh. Atŭm hăm noh, athei đei trong pơkăp jang kăp gĭt, trŏ ƀlep hăm dôm bơngai jang tơdrong jang âu, vă đe yĕt tơguăt hloh dơ̆ng hăm tơdrong jang, hăm Anih jang.