Iung pơma tơ̆ jơ bơ̆ jang, Thủ tướng Teh đak Phạm Minh Chính tơgoăt iŏk, hôn bơnê kơ Hơnih Đảng, Khul kơdră chĕp pơgơ̆r, Ƀô̆ đô̆i, kŏng ang păng kon pơlei Hòa Bình hlôi tơgoăt tơgoăl, hơdrin iŏk đei jơnei găh mŭk drăm-tơpôl. 

Thủ tướng athei dêh char akŏm chĕp pơgơ̆r, pơrô̆ jang ‘lơ̆ng trong pơprŏ jang păng atŏk tơ iung trong hnam, lăng ‘nau jing tơdrong jang chinh trĭ kăl hlŏh păng tơdrong kăl iung jang hơdrol kơ dêh char; lăng kơjap tơmơ̆t jên jang atok tơ iung trong hnam jang mŭk drăm-tơpôl, mă kăl trong nơnăm. Thủ tướng Teh đak athei dêh char Hòa Bình kăl đei trong hơvơn kơtang ăn atok tơ iung; atŏk kơtang tơlĕch kon jên jang Teh đak, 3 tơdrong jang tơm teh đak; hơnơ̆ng atŏk kơtang bơ̆ jang ‘lơ̆ng, pơjing rơvơn tơmơ̆t jên jang, mơdro sa; lăng kơjăp atŏk tơ iung rim tơdrong oei sa, tơpôl, vei lăng cham char, sơđơ̆ng erĭh sa, oei sa kơ kon pơlei, vei kơjăp păng atŏk tơ iung tơdrong oei sa jŏh ayŏ joăt joe sơ̆ ki.