Jô̆ hơlen đơ̆ng blŭng sơnăm truh năr 30/04 sơnăm ou noh hloh 128 rơbou tih hlj, đei hloh 15 % tơdrong pơjao jang đơ̆ng Thủ tướng teh đak, khei năr ou sơnăm 2024 asong  110 rơbou tih hlj, đei hloh 16 %. Thoi noh, gah kơjă pơkăp, sơnăm 2025 asong lơ hloh pơtêng hăm khei năr ou sơnăm 2024 pơhlom 18 rơbou tih hlj, mă lei pơkăp  asong pơtêng hăm jên jang Thủ tướng teh đak pơjao noh kơđeh hloh. Pơma ah hop akŏm, Thủ tướng Phạm Minh Chính akhan: Bơ̆n tŏk bŏk oei lơ̆m khei năr pơm jang hăm pơkăp “hơtŏk, pran kơtang” mă lei asong jang kơ teh đak ưh hơdrô̆ “hơtŏk, pran kơtang” mă roi năr roi tơjruh.

Ră hơdah dôm trong tơlĕch jang 'nao tŏk bŏk đei tơlĕch nhen: khua hŏk kŏng ngê̆, tơplih 'nao gơh hơgei, tơplih kơmăi kơsô̆, mŭk drăm sơđơ̆ng, mŭk drăm gơh hơgei, mŭk drăm tơ-'ngla pơm tơm... pơtơm 'nao đĕch, tam mă đei jơnei hơdah noh athei hơtŏk jơhngơ̆m pran juăt jue, lơ̆m noh hơtŏk asong jang kơ teh đak. Thủ tướng athei pôk hơpah hăm rim anih jang, rim tơring asong jang kơ teh đak đei jơnei lơ, atŭm hăm noh athei hơlen mă hơdah sơnong hăm anih jang, bơngai jang đei tơrĕk, kiơ̆ đơ̆ng noh tơlĕch trong jang trŏ ƀlep vă hơtŏk asong jên jang lơ̆m khei năr truh.