Tơ̆ jơ hop akŏm, dôm bơngai tang măt pơma nuh, tơgop nơ̆r ăn 02 kơluơ̆t đei: Luơ̆t bơ̆ jang kiơ̆ tơdrong sek phak (đei chih hơmet ming), Luơ̆t rôp kron pơgia păng kâm ưh ăn lĕch đơ̆ng tơring oei xa păng 04 tơdrong athei chih pơjing luơ̆t đei: Luơ̆t ‘mơ ‘met, tang găn pơhuach kư̆ kă; Luơ̆t hơlen năng tư phap (oei chih hơmet ming); Luơ̆t vei lăng rơgŏh ‘lơ̆ng tơmam xa (oei chih hơmet ming); Luơ̆t Kơsô̆ kon pơlei.

Dôm nơ̆r tơgop lơ̆m hop akŏm mă lơ ‘nŏh ƀơm truh tơdrong hơgăt plang pơyơ̆r hơkâu jăn ăn tơdrong tơchĕng hơlen đơ̆ng bơngai yoch; tơdrong gơ̆h jang đơ̆ng hnam phak găh tơdrong iok tơmam, jên nôp kơdih tơ̆ hnam phak vă pơm kiơ̆ nơ̆r sek phak, pơtruh ăn anih pơgơ̆r jang kiơ̆ nơ̆r phak duh; ƀơm truh bơngai pơm yoch ‘nŏh jĭ bơngai teh đak đe; găh pơm kiơ̆ tơdrong phak; trong jang tư phap athei hơmet jĭ vơnh, hơnăp jang đơ̆ng công an lơ̆m tơdrong tơchă bơngai athei hơmet jĭ vơnh mưh kơdâu klĕnh păng găh tơdrong hơtŏk khul jang rơgei mưh hơlen năng tư phap păng pơgơ̆r hơlen năng tư phap.