Pơma ăh 'măng hop akŏm, Thủ tướng pơkăl rim bơngai jang lơ̆m Khul Kơpal teh đak tơblang hơdăh tơdrong đei ƀôh lơ̆m tơring, lơ̆m kơpal teh, tơbang hơdăh tơdrong hiôk, tơnap tap vă dăh đei trong jang trŏ ƀlep; tơlĕch dôm xơnong jang, trong jang, chĕp vei tơnăp trong hiôk, pơklaih tơnap tap ăn anih jang mŭk drăm, kon pơlei vă hơtŏk tơ-iung. Kiơ̆ tơroi, tơdrong jang mŭk drăm tơpôl lơ̆m khei 2 păng 2 khei blŭng xơnăm pơtoi vei xơđơ̆ng, lơ tơdrong hơtŏk hăm dôm anih hơdăh hloh. Tơmam drăm tĕch răt hăm teh đak đe ăh khei 2 tŏk 6,1% pơtêng hăm khei 1. Tơmam choh pơtăm, 'long bri, ka hơdang xơđơ̆ng păng đei hơtŏk hloh. Tơdrong jang kŏng ngĭp noh đei hơmet pơ-'lơ̆ng.