Ƀar Thủ tướng tơchĕng ‘lơ̆ng tơdrong pơvei Việt Nam-Nhật Bản, mă loi đơ̆ng rŏng kơ hơtŏk tơdrong pơjing jing Jang hơdoi gĭt kăl tôm tơdrong. Thủ tướng Phạm Minh Chính pơma hơdăh Nhật Bản jĭ teh đak jang hơdoi tơm dơnơm păng tôch hơđơ̆ng hăm Việt Nam, atŭm hăm ‘nŏh hơpơi ‘meh hơtŏk tơdrong jang lơ̆m rim tơdrong, mă loi găh mŭk drăm, tơplih hăm kơmăy sô̆, unh hơyuh, anih jang, trong nơnăm păng pơtho ăn khul bơngai jang.

Thủ tướng Ishiba tơchĕng ‘lơ̆ng anih dơ̆ng, hơnăp jang đơ̆ng Việt Nam tơ̆ tơring păng lơ̆m apŭng plenh teh; pơma hơdăh Nhật Bản vă hơnơ̆ng yak hơdoi hăm Việt Nam lơ̆m chăl ‘nao, tơgŭm ăn Việt Nam atŏk tơiung mŭk drăm - tơpôl, pơjing anih jang mŭk drăm kơdih pran kơjăp, bơ̆ jang hăm kơmăy kơmŏk ‘nao, atŏk tơiung khoa hŏk kơmăy kơmŏk. 2 păh drơ̆ng nơ̆r vei kơjăp tơdrong pơvei ăn khul kơdră chĕp kơ̆l, hơtŏk tơdrong vei sơđơ̆ng tơ̆ đak dơsĭ, hơmet pơ ‘lơ̆ng cham char, anih tơmât jên jang păng tơgŭm ăn dôm anih jang kơmăy kơmŏk ‘nao.