Hăm jơhngâm dodn chơt hơ-iă, lui băl păng tôch rơhău, Thủ tướng Phạm Minh Chính hôn bơnê ƀok Thẩm Hiểu Minh ‘măng mă blŭng năm hơpong tơ̆ Việt Nam hăm kơchư̆k pơm Bí thư Đảng dêh char Hải Nam. Thủ tướng Phạm Minh Chính pơma hơdăh tơdrong gĭt kăl đơ̆ng tơdrong pơvei jang hơdoi tôm tơdrong Việt Nam - Trung Quốc păng athei 2 păh hơtŏk tơdrong jang hơdoi găh rim tơdrong, mă loi jĭ atŏk tơ-iung tĕch mơdro kiơ̆ trong hơtŏ băl, pơih xă tơdrong tơmât jên jang hơdoi; hơtŏk tơdrong pơgơ̆r ăn kon pơlei mât lĕch tơ̆ băl, tơ-iung dơ̆ng tơdrong jang tơ mang lăng….

Găh tơdrong jang hơdoi đơ̆ng tơring, Thủ tướng Phạm Minh Chính athei dêh char Hải Nam hơtŏk tơdrong pơma nuh, jang hơdoi hăm dôm anih tơm, anih jang kơpal, tơring tơrang Việt Nam, lơ̆m nŏh đei plt Hồ Chí Minh păng dêh char Quảng Ninh; hơtŏk tơdrong jang hơdoi 2 păh đei yoa ngăl găh chă tơmang lăng, pơm trong, pơtho pơhrăm, jang pơgang, jŏh ayŏ kơdŏ xoang; jang hơdoi vang tơjră hăm tŏ ‘mi kial tơplih, chă dŏng bơngai răm tơ̆ đak dơsĭ, pơma xa, bơ̆ jang ‘lơ̆ng hơ-iă hăm kon pơlei jang xa, tơgop vei kơjăp tơdrong rơngei, sơđơ̆ng hiôk hian păng jang hơdoi tơ̆ đak dơsĭ.