Tơ̆ jơ sơng, Thủ tướng Phạm Minh Chính lăng ‘lơ̆ng dôm tơdrong jang hơdai tĕch mơdro đei yua đơ̆ng Anih mong jên tơmơ̆t jên jang hăm dôm anih jang hơdai Việt Nam, lơ̆m noh đei anih mơdro sa teh đak păng anih mơdro sa pơjing kơdih. Athei Anih mong jên tơmơ̆t jên jang hơnơ̆ng tơgŭm jên jang ăn kơ Việt Nam, hơnơ̆ng tơmơ̆t jên jang tơ̆ Việt Nam hăm tơdrong tih hloh, să hloh, iŏk yua jơnei hloh.

Kơdră dơnơm vei lăng Anih mong jên tơmơ̆t jên jang Warburg Pincus pơma hơdăh dôm anih mơdro sa Mi lăng Việt Nam jĭ teh đak jang hơdai tôch kơ lui ngeh lơ̆m tơdrong ‘lơ̆ng, hơmĕng đunh đai đơ̆ng Việt Nam; ling lang roi tơƀôh, tơgŭm tơlĕch ăn trong jang vang đei yua găh thuê̆ tơmam đơ̆ng Việt Nam - Mi; hơdai hăm gô hơnơ̆ng krao hơvơn pran kơtang dôm anih jang hơdai nai găh tơmam hơtŏk tơiung kơ Việt Nam; hơdrin tơgop ăn tơdrong pơvei Việt Nam - Mi.