Thủ tướng Phạm Minh Chính sơng păng pơma đam hăm Thủ tướng Ethiopia
Thứ tư, 10:18, 16/04/2025
Lan chih tơblơ̆
Lan chih tơblơ̆
VOV4.Bahnar - Sơng iŏk nơ̆r hơvơn đơ̆ng Thủ tướng teh đak Cộng hòa xã hội chủ nghĩa Việt Nam Phạm Minh Chính, Thủ tướng teh đak Cộng hòa Dân chủ Liên bang Ethiopia, ƀok Abiy Ahmed Ali năm tơmang teh đak Việt Nam păng năm Hop akŏm kăp gĭt Jang hadoi kơyuơ Hơtŏk tơ-iung jơk păng Tơchơ̆t kơpal teh (P4G) 'măng mă 4 đơ̆ng năr 14 truh năr 17/4.
Kơsơ̆ năr 15/4, tơ̆ Anih jang Khul Kơdră, Thủ tướng Phạm Minh Chính hlôi pơm lêh sơng Thủ tướng Abiy Ahmed Ali. Đơ̆ng rŏng kơ lêh sơng, ƀar pah hlôi akŏm pơma đam. Lơ̆m dôm sơnăm tơjê̆ ou, tơmam tĕch răt kơ 2 pah Việt Nam - Ethiopia đei yua hloh 10 triu đôlar minh sơnăm.
Sơnăm 2024 ou ki, tơmam tĕch răt kơ 2 pah đei hloh 13 triu đôlar, lơ̆m tơmam drăm mă Việt Nam tĕch ăn teh đak đe đei hloh 7 triu đôlar păng răt tơmơ̆t hloh 6 triu đôlar.
Việt Nam păng Ethiopia hơnơ̆ng tơgŭm dih băl gah tơchơ̆t pơm jang, tơdrong hop akŏm lơ teh đak. Ethiopia hlôi sơkơ̆t hơdah Việt Nam jĭ teh đak jang mŭk drăm pran ah sơnăm 2014.
Viết bình luận