Thủ tướng Phạm Minh Chính sơng pơma dơnuh hăm Thủ tướng so Phalăng
Thứ ba, 14:22, 14/02/2023
VOV/Amazưt tơblơ̆
VOV/Amazưt tơblơ̆
VOV4. Bahnar - Kơsơ̆ năr 13/2, Thủ tướng Teh đak Phạm Minh Chính hlôi sơng pơma dơnuh hăm ƀok Eduord Philippe, Thủ tướng so Phalăng, dang ei ‘nŏh Kơdră chĕp pơgơ̆r pơlei tơm Le Havre tŏk bŏk năm tơmang teh đak Việt Nam.
Tơ̆ jơ sơng pơma dơnuh, ƀar ‘nu kơdră hơlen tơdrong tơgoăt tơgoăl gĭt kăl Việt Nam-Phalăng roi năr roi jơnei, tơpă lơ̆m rim tơdrong jang hăm lui dih băl kơjăp găh chĭnh trĭ. Phalăng ling lang jing teh đak jang hơdoi mơdro sa, tơmơ̆t jên jang, tơgum djru atŏk tơ-iung dơ̆ng hơlau châu Âu tơ̆ Việt Nam.
Tơdrong iŏk đei tĕch mơdro dih băl đei hơmet pơ ‘lơ̆ng đơ̆ng rŏng jĭ hơbuh COVID-19, iŏk đei 5 ti 300 triu euro sơnăm 2022, tŏk 10% pơtêng hăm sơnăm 2021. Ƀar teh đak oei đei lơ tơdrong jang hơ iă vă pơtrŭt kơtang tĕch mơdro iok đei lơ hloh dơ̆ng lơ̆m khei năr kơnh, mă kăl đơ̆ng rŏng Tơdrong tơchơ̆t Mơdro sa Hiôk hian Việt Nam - EU (EVFTA) tơlĕch jang kiơ̆.
Viết bình luận