Tơ̆ jơ tơƀâp, Thủ tướng Phạm Minh Chính tơƀôh đon bơnê hăm jơhngâm đon ‘lơ̆ng păng tơdrong tơgŭm tôch pơnĕh đơ̆ng Kơdră tơm Joe Biden hăm tơdrong jang atŏk tơiung tơdrong pơvei Việt Nam – Mi păng hơpơi ‘mĕh, tơ̆ hơnăp kơnh, mă jang kơ chư̆k kiơ, Kơdră tơm Joe Biden oei hơnơ̆ng tơgŭm păng tơgop ‘lơ̆ng ăn tơdrong pơvei 2 pang.

Hơiă đei tơƀâp dơ̆ng Thủ tướng Phạm Minh Chính, Kơdră tơm Joe Biden pơma hơdăh, Thủ tướng jĭ 1 ‘nu boăl ‘lơ̆ng hăm teh đak Mi. Kơdră tơm Joe Biden tơƀôh đon hơiă mưh ƀôh, lơ̆m jăl jang đơ̆ng kơdih, 2 teh đak hlôi pơm hơtŏk tơdrong pơvei jing Jang hơdoi gĭt kăl tôm tơdrong păng pơma hơdăh ling lang tơgŭm ăn tơdrong pơvei Mi - Việt Nam tŏk pran hơnơ̆ng.

Lơ̆m Hop akŏm, Thủ tướng Phạm Minh Chính hlôi đei lơ ‘măng tơƀâp, pơma nuh tơpăt ‘lơ̆ng hăm kơdră chĕp kơ̆l dôm teh đak Malaysia, Anh, Italia, Thổ Nhĩ Kỳ, Bồ Đào Nha, Mexico, Nam Phi, Angola, Tanzania, Qatar păng Ả-rập Xê-út.