Lơ̆m tơdrong chơt hơ-iă tơnŏ, Thủ tướng Phạm Minh Chính sô̆ hơ-iă sơng 60 thâi kô pơtho hơgei, dôm bơngai hlôi tơgop kăp gĭt ăn tơdrong jang pơtho pơhrăm kơ teh đak, tang măt 1 triu 6 hrĕng rơbâu thâi kô lơ̆m jơ̆p teh đak. Thủ tướng ră hơdah, hơyak ah jăl sơnăm ‘nao, pơtho pơhrăm pơtoi jĭ trong jang hơgơ̆l; tơdrong jang pơtho pơhrăm kơ teh đak athei tơplih ‘nao kăp gĭt păng tôm tong hloh dơ̆ng, athei pơtho pơhrăm rơgei tơpă.

Vă jang tơnăp dôm sơnong jang trăp trĭn âu, Thủ tướng pơtruh nơ̆r hăm rim anih jang tơm, rim tơring pơtoi tơrĕk hăm tơdrong jang pơtho pơhrăm; Hơvơn iŏk yua tơnăp tơdrong asong bơngai jang păng pơ-‘lơ̆ng hnam trưng hŏk; pơtoi pơjing păng hơtŏk ‘lơ̆ng gah tơdrong oei xa păng hŏk tơ̆ hnam trưng. Hơtŏk hơgei hăm khul bơngai pơtho, kang ƀô̆ jang gah pơtho pơhrăm. Thủ tướng pơtruh nơ̆r hăm rim thâi kô pơtho dah yuk trong jang ‘lơ̆ng gah đon bơnôh – gơh hơgei, tơklep hăm tơdrong jang – ‘mêm kơ kon bơngai, atŭm jơhngơ̆m pơtho bơngai jang ăn khei năr hơnô̆ hơnăp kơnh kơ teh đak hơtŏk tơ-iung tôm tong.