Thủ tướng tơchơ̆t iŏk tơm năr 19/12/2025 vă pơtơm iung ming man ah 5 hơnih, vei sơđơ̆ng tơlĕch jang. Thủ tướng pơjao ăn Anih tơm Khua hŏk păng Kŏng ngê̆ jang hơdoi ming man kiơ̆ trŏ nhen tơchơ̆t; Anih tơm jang tơbôl pơm jang hăm Trung Quốc tơbang tơdrong jang hadoi atŭm hăm Việt Nam pơkăp kih thuơ̆t; Anih tơm Ming man jang atŭm hăm rim tơring pơkăp anih ming man, hơtŏk tenh tơdrong hrŭ 'mong teh iŏk ming man.

Gah jên hu, Thủ tướng pơgơ̆r Anih tơm jang gah Jên hu pơm jang hăm gah Trung Quốc vă đei jên tơgŭm asong jang, atŭm hăm noh akŏm 500 rơbou tih hlj tơgŭm ăn dôm tơdrong ming man tơm, lơ̆m noh đei trong gre treng. Thủ tướng ră hơdah, tơdrong ming man ưh hơdrô̆ kăp gĭt hăm tơdrong jang mŭk drăm – tơpôl mă oei tơgop hơtŏk jang hơdoi lơ̆m tơring, pơih să jang hơdoi lơ̆m apŭng plenh teh.