Thủ tướng ră hơdah gah tơdrong “tơring tơlĕch tơchơ̆t, tơring pơm jang, tơring pŭ sơnong jang”, yak hadoi hăm asong bơngai jang, hơtŏk tơdrong jang hơgei pơm jang păng hơtŏk hơlen, tang găn păng tơjră xa pơjĭp. Thủ tướng pơgơ̆r Anih tơm Tư phap păng Anih tơm Nô̆i vŭ drơ̆ng minh gah kơsô̆ chih akŏm kơ dôm tơchơ̆t asong sơnong pơgơ̆r đơ̆ng Jơnŭm pơgơ̆r teh đak truh dôm anih jang tơm, rim tơring; lơ̆m noh đei 28 tơchơ̆t hlôi đei chih akŏm păng truh năr 30/5, tôm 28 tơchơ̆t đei hơlen keh đang păng athei chih tơmơ̆t pơtruh ăn Anih tơm Chĭnh trĭ hơlen lăng. Thủ tướng akhan, đơ̆ng dang ei truh năr 10/6, rim anih jang tơm, anih jang tơ̆ tơring athei iŏk nơ̆r tơgop, hơlen dơ̆ng dôm tơdrong vă vei sơđơ̆ng ưh đei lê̆ hơlơ̆k hơle ou to...

Rim Phŏ Thủ tướng đei pơjao sơnong hơlen, keh đang tơdrong jang păng hơdar jat noh truh năr 15/6 athei tơbang tôm tơchơ̆t tơlĕch. Đơ̆ng rŏng kơ noh, kơchĕng gô vă pơgơ̆r hop akŏm tơbang truh rim tơring, hơdar hloh noh keh đang hơdrol kơ năr 18/6.