Pơma tơ̆ jơ tơƀâp, Thủ tướng Phạm Minh Chính chơt hơ iă păng pôk pơ ư dôm tơdrong jơnei mă Việt Nam hlôi iŏk đei lơ̆m khei ‘năr âu ki. Tơ̆ hơnăp kơnh Thủ tướng athei, hơnơ̆ng hlôh vao kơjăp, bơ̆ jang đei yoa ‘lơ̆ng tơdrong Tơchơ̆t đơ̆ng Hop akŏm mă XIII kơ Đảng; tơlĕch tơdrong jang kiơ̆ dôm tơdrong tơchơ̆t đơ̆ng Trung ương Đảng, Anih tơm Chinh trĭ, Ban Bí thư găh tơdrong jang kăn ƀô̆ drŏkăn, hơtŏ băl kơplăh drŏkăn hăm drŏnglo, yoa tơdrong gơ̆h hơgei đơ̆ng đe drŏkăn, tơgop jang đei dôm tơdrong vă jang atŏk tơiung pran kơjă truh sơnăm 2030.

Tơ̆ jơ tơ ƀâp Thủ tướng pơjao 02 tơmam hơ păh Kovalevskaia ăn 10 ‘nu drŏ kăn jang khoa hŏk iŏk đei jơnei ‘lơ̆ng lơ̆m tơdrong tơ chĕng hơ len khoa hŏk. ‘Nâu jĭ dôm drŏ kăn rơ gei, đei đon pơchĕh ‘nao, pơ̆n tơchĕng, pơ̆n jang, dơ̆ng tang ăn đon rơ gei, jơhngâm hơ pơi ‘mĕh đơ̆ng Việt Nam.