Hop akŏm lăng hơlen hloh 20 sơnăm jang kiơ̆ Tơdrong tơchơ̆t 23 păng rim trong tơlĕch jang đơ̆ng Đảng găh Tơgoăt tơgoăl hơdrĕch hơdrĕch hơdrung hlôi iŏk đei jơnei hơ iă.

Mặt trận Tổ quốc păng rim khul kon pơlei hơnơ̆ng tơplih 'nao trong pơgơ̆r păng trong jang, chă pơrô̆ hơvơn kon pơlei pơla vang iung jang rim tơdrong jang pơting dih băl ‘mêm kơ eng teh đak; vang iung jang dăr lăng păng tơblang hơdăh; jang ‘lơ̆ng hơnăp jang gơng tơroh klŏh klĕch 2 păh Đảng, teh đak păng kon pơlei. Mălei jơhngơ̆m pran tơgoăt tơgoăl hơdrĕch hơdrung đei ‘măng, đei tơring tim mă tơlĕch jang kiơ̆ ‘lơ̆ng, tôm tong. Rim khul, dôm tơdrong tơchăr đơ̆ng kon pơlei lơ̆m tơ iung pơjing păng vei lăng teh đak tim mă tơlĕch jang kiơ̆ ‘lơ̆ng. Lơ̆m khei ‘năr apŭng plenh teh păng tơring khei năr kơnh tơnap tap păng tơnap mă pơn băt hơlau, rim nơ̆r tơgop tơ̆ hop akŏm athei kăl hrôih pơjing tơdrong tơchơ̆t ‘nao tơplih Tơdrong tơchơ̆t 23, vă hơnơ̆ng atŏk kơtang jơhngơ̆m pran tơgoăt tơgoăl hơdrĕch hơdrung lơ̆m chăl ‘nao hrei au. Rim kơdră tang măt jei akhan, vă tơ iung pơjing khul tơgoăt tơgoăl hơdrĕch hơdrung ‘nŏh kơ dih Đảng kăl rơgoh ‘lơ̆ng, pran kơtang, kăl pơm jŭk yŭk trong hơlau.