Jang kiơ̆ Tơdrong tơchơ̆t 60, năr 12/4/2025 kơ Hop akŏm ‘măng mă 11 Khul kơdră chĕp pơgơ̆r Trung ương Đảng jăl 13, pêng dêh char Lâm Đồng, Dak Nông păng Bình Thuận hơgrop jing mĭnh dêh char păng iŏk hơnăn ‘noh dêh char Lâm Đồng, hơnih bơ̆ jang tơ̆ dêh char Lâm Đồng hrei ou. Vă hrôih hơmet ming trong jang Khul Kơdră chĕp pơgơ̆r, sơđơ̆ng ‘lơ̆ng hơ iă bơ̆ jang păng pơkom kon jên bơ̆ jang, Hơnih vei lăng kon pơlei dêh char Lâm Đồng athei rim hơnih bơ̆ jang kơ dêh char chĕp pơgơ̆r, iung jang hơdoi hăm rim hơnih kơ ƀar dêh char Bình Thuận păng Dak Nông vă tơ iung pơjing hơgrop jing mĭnh. Trong tơlĕch jang kăh keh đang ‘lơ̆ng ƀlep trong pơprŏ kơ dêh char, hơmet pơ ‘lơ̆ng păng pơtruh ăn Sơ Nô̆i vŭ dêh char Lâm Đồng lăng hơlen, akŏm hơlen hơdrol năr 22/4 kơnh. Lăp đơ̆ng rŏng hơgrop jing mĭnh pêng dêh char Lâm Đồng, Bình Thuận păng Dak Nông, dêh char ‘nao Lâm Đồng đei groi teh să 24.233km2, măt bơngai kon pơlei vă jê̆ 3.300.000 ‘nu bơngai.