Pơma tơ̆ jơ pơm lêh, Thủ tướng Phạm Minh Chính akhan, Jŏh ayŏ kơdŏ xoang ling lang jing tơdrong đei hơnơ̆ng, ưh đei pơdơ̆h lơ̆m rim jơhnơr arih jur tŏk kơ rim hơdrĕch hơdrung, rim tĕh đak păng đĭ đăng kon bơngai. Jŏh ayŏ kơdŏ xoang kơ hơdrĕch hơdrung ‘nŏh jĭ pơhngol kơ rim hơdrĕch hơdrung, jĭ dôm kơjă kăp gĭt găh tơmam drăm, jơhngâm đon mă hơdrĕch hơdrung ‘nŏh pơjing đei lơ̆m jơhnơr arih.

Thủ tướng pơma hơdăh, jŏh ayŏ kơdŏ xoang Việt Nam, hăm jơhnơr arih truh rơbâu sơnăm – hơnơ̆ng păng ling lang jing jơhngâm pran ưh đei tôch kơ hơdrĕch hơdrung. Kon pơlei Việt Nam đei hơnăp jang, tơdrong jang, jơhngâm đon hưch hanh, chơt hơ-iă đei chĕp vei păng tưk tơ-iung tơdrong jŏh ayŏ kơdŏ xoang kơ hơdrĕch hơdrung lăp hăm chăl ‘nao, ‘nŏh jĭ tơdrong jŏh ayŏ kơdŏ xoang Việt Nam gơ̆h hơgei, ‘lơ̆ng hơ-iă thoi um ai hơdrĕch hơdrung.