Kiơ̆ kơ ‘noh, tơdrong vă jang trong gre hơtăih 144km, tŏk hơtăih hloh dơ̆ng 8km pơtêng hăm pơprŏ hơdrol kơ yuơ groi teh mơmat tat tơ̆ trong hông hang krang nak Violắk hăm trong hông hang krang nak Măng Đen. Kơl trong Km0+000 tơƀưh hăm trong gre rĕnh Tu-Pơbăh păh Hơlĕch găh lơ̆m apŭng Đức Phổ, dêh char Quảng Ngãi păng pơtôch tơƀưh hăm trong gre rĕng Tu-Pơbăh păh Pơmơ̆t găh lơ̆m groi teh kơ pơlei tơm Kon Tum , dêh char Kon Tum. Trong gre rĕnh ou să ăn gơ̆h 4 tong gre kơdou, hăm gơ̆h kơdou rĕnh 100 km/h. Akŏp kon jên tơmơ̆t jang dang 44.300 ti hlak jên. Lơ̆m ou, rim tơring kăl hơmet ăn kon jên jang ăn bơ̆ jang iŏk tơvih teh; kon jên jang Trung ương ăn jang ming man păng rim kon jên jang uơ oei. Hơnih tơm vei lăng Tơ iung pơjing ming man jei pơjing trong pơprŏ jang tơlĕch vă jang lơ̆m hơtuch sơnăm ou, iung jang ming man lơ̆m hơtuch sơnăm 2026, jang keh đang lơ̆m khei 12/2029.