Lơ̆m kơthơ đei trong chih: Ƀlep ƀât ‘măng mă âu, inh đei nơ̆r jet gia, pơma nuh, pơtruh nơ̆r ‘lơ̆ng hơ-iă hlŏh hăm dôm unh hnam linh lôch tang tĕh đak, đe linh jĭ rơka, jĭ jăn, dôm bơngai đei kŏng hăm kăch mang lơ̆m Khul linh vei lăng bơngai jang tih Công an kon pơlei. Tôch chơt hơ-iă păng pôk pơ-ư dôm tơdrong jơnei, tơdrong tơgop tih tên mă khul linh vei lăng bơngai jang tih Công an kon pơlei hlôi jang đei lơ̆m 70 sơnăm âu ki.

Ƀât mă tĕh đak oei mât lơ̆m khei ‘năr jang tŏk ‘nao, mât jang hơdoi tôm tơdrong hăm apŭng plenh tĕh, nơ̆r athei, tơdrong jang đei tơlĕch ăn khul linh Công an kon pơlei pơma atŭm păng khul linh vei lăng bơngai jang tih Công an kon pơlei pơma adrô̆ ‘nŏh tôch trăp trĭn, mă lei kŭm tôch hưch hanh, čhôk ‘nă. Inh lui, khul linh vei lăng bơngai jang tih Công an kon pơlei Việt Nam ling lang tơgăl hăm hơnăn Khul linh tơblăh nuih mơng kơ kon pơlei, jang đang ‘lơ̆ng rim tơdrong jang mă Đảng, Tĕh đak păng kon pơlei lui, pơjao ăn.