Iung pơma tơ̆ pơm lêh, Tổng Bí thư Nguyễn Phú Trọng pơma hơdăh, hlôh vao găh Tơdrau tơdrong Ƀok Hô pơtho Kŏng ang kon pơlei ‘nŏh: Găh jơhngơ̆m đon oei sa pơma dơnuh kơ rim kang ƀô̆, bơngai jang Kŏng ang ( ‘nŏh hăm kơdih); tơdrong oei sa găh ‘ngoăih kơ rim kang ƀô̆, bơngai jang Kŏng ang (‘nŏh hăm khul, hăm kon pơlei, hăm Khul kơdră teh đak, hăm ayăt); hăm tơdrong jang kơ rim kang ƀô̆, bơngaoi jang Kông ang ‘noh dôm tơdrong kăl jang, gơ̆h jang, păng kơrŭn đĭ jơhngơ̆m jang keh đang kiơ̆ hơnăp jang, sơnong jang,kiơ̆ tơdrong pơjao jang.

Vă hơnơ̆ng atŏk kơtang hlŏh dơ̆ng tơdrong hŏk pơhrăm, jang kiơ̆ Tơdrau nơ̆r Ƀok Hô pơtho, khul Kŏng ang kon pơlei, Tổng Bí thư Nguyễn Phú Trọng pơma hơdăh, hăm khŭl Kŏng ang Kon pơlei lơ̆m teh đak kăl lăng kơjăp pơm kiơ̆, akŏm jang ‘lơ̆ng pêng tơdrong kăl, ‘nŏh: “Hŏk pơhrăm”, “Kơrŭn đĭ jơhngơ̆m iung jang, pơm kiơ̆”, păng “pơm jŭk yŭk trong hơlau".