Pơma tơ̆ hop akŏm, Tổng Bí thư Tô Lâm pơma hơdăh, khŭl lĭnh Kŏng an kon pơlei athei ‘nĕ kơ pơdơh tŭn pran hŏk pơhrăm, pơm kiơ̆ jơhngơ̆m đon ‘lơ̆ng đơ̆ng Ƀok Hồ, bơ̆jang kiơ̆ đei yua 6 tơdrong Ƀok Hồ pơtho Kŏng an kon pơlei. Tổng Bí thư Tô Lâm tơroi rơđăh, vă tơdrong hŏk pơhrăm, pơm kiơ̆ Ƀok Hồ iŏk đei jơnei ‘lơ̆ng, đĭ đăng khŭl lĭnh Kŏng an kon pơlei, rim kơdră đảng, kơdră chĕp kơ̆l, bơngai pơgơ̆r, kang ƀô̆, khŭl lĭnh đĭ hơdrin bơih, kăl kơ hơnơ̆ng hơdrin, hơdrin lơ hloh dơ̆ng.

Tơplih ‘nao pran kơtang đon tơchĕng, trong jang, trong bơ̆jang, jang đang hơgei hloh rim hơnăp jang đei pơjao, kŭm hăm đĭ đăng Đảng, đĭ đăng kon pơlei, đĭ đăng lĭnh “pơjing 1 teh đak Việt Nam rơngei, sơđơ̆ng, hiôk hian, kon pơlei pơm tơm păng pơdrŏng pran, tơgop tơ găl lơ̆m tơdrong jang kach mang apŭng plĕnh teh” nhen jơhngơ̆m đon ‘meh vă đơ̆ng Ƀok Hồ păng hơ pơi ‘meh đơ̆ng hơdrĕch hơdrŭng.