Kiơ̆ hla ar chih tơroi, sơnăm ‘nâu, rim anih chĕp kơ̆l hlôi pơgơ̆r hơlen năng hlŏh 55 rơbâu anih jang Đảng păng hlŏh 300 rơbâu ‘nu Đảng viên. Kiơ̆ đơ̆ng hơlen năng đei hlŏh 1.700 anih jang Đảng păng hlŏh 6 rơbâu ‘nu Đảng viên pơm glăi.

Pơma nơ̆r pơtho tơ̆ hop akŏm, Tổng Bí thư Tô Lâm athei tơ̆ hơnăp kơnh hươnơ̆ng bơ̆ jang hrơ̆ch ‘lơ̆ng dôm trong jang tang găn pơm glăi; kiơ̆ trong đei tơdrong glăi ‘nŏh athei đei nơ̆r tơbăt, ưh đei hơnih kâm, ưh đei lon bu, hơtŏk tơdrong tơiung pơjing Đảng rơgŏh ‘lơ̆ng, pran kơjăp, pơm lăp hăm tơdrong ‘mĕh vă đơ̆ng tơdrong jang lơ̆m chăl ‘nao.

Tổng bí thư athei rim anih chĕp kơ̆l, anih jang đảng, Anih dăr hơlen jơ̆p tơring jăh hơmet ming, kăt tơjur bơngai jang tơ̆ dôm anih jang kơ Đảng, Teh đak pơma atŭm, lơ̆m noh đei Anih dăr hơlen kiơ̆ trong jang đơ̆ng Anih pơgơ̆r jang kơ Trung ương mưh pơtôch tơdrong Tơchơ̆t kơsô̆ 18 bơ̆ jang hrơ̆ch ‘lơ̆ng, drơ̆ng 1 nơ̆r, tŏ sĕt bơngai, gơ̆h hơgei păng đei yoa.