Tổng Bí thư sơkơ̆t hơdăh, lơ̆m prăt khei ‘năr iung jang kĕch mang, Đảng, teh đak bơ̆n ling lang sơkơ̆t hơdăh pơtho pơhrăm ‘noh jing trong jang tơm kơ teh đak, jĭ tơdrong ‘lơ̆ng rŏ hơnô̆ hơnăp kơnh kơ hơdrĕch hơdrung. Hrei ou, lơ̆m bơ̆ jang tơplih ‘nao teh đak, tơplih ‘nao pơtho pơhrăm jei đei Đảng chĕp pơgơ̆r, pơrô̆ jang păng iŏk đei jơnei hơ iă. Tổng Bí thư athei, kăl tơlĕch jang kiơ̆ hloi trong jang xut xa pơ đĭ ưh kơ băt kơchư, mă kăl tơ̆ tơring hơtăih yăih, tơring kon kông; Hơnơ̆ng akŏm dăr lăng, xek tơlang keh đang tơdrong ưh kơ măh hnam trương, lăm hŏk tơ̆ mĭnh ƀar pơlei tơm tih, tơring jang kmăi kmŏk pơm tơlĕch tơmam drăm; Hơmet pơ ‘lơ̆ng hnam trương, lăm hŏk, atŭm hăm sơđơ̆ng hơnih oei sa kơ ƀok thây kô pơtho tơring hơtăih yăih, tơring kon kông; Sơđơ̆ng ‘lơ̆ng kon jên jang teh đak ăn tơdrong pơtho pơhrăm tŏ sĕt hloh 20% lơ̆m akŏp kon jên tơlĕch jang kơ kon jên bơ̆ jang teh đak kiơ̆ ƀlep Tơdrong tơchơ̆t mă Đảng hlôi tơlĕch ăn.