Tổng Bí thư Tô Lâm chih răk păng lăng ‘lơ̆ng tơdrong vang yak hơdai, tơgŭm ‘lơ̆ng mă Khŭl kơdră teh đak Singapore hlôi ‘măn ăn kơ Việt Nam iŏk đơ̆ng pơtơm tơdrong jang tơplih ‘nao păng mơ̆t jang hơdai hăm apŭng plĕnh teh; pơma hơdăh Việt Nam ling lang lăng kăl păng ‘meh vă pơtrŭt tơdrong pơvei Jang hơdai gĭt kăl hăm Singapore hơtŏk tơiung roi ‘năr roi pran kơtang, yak mơ̆t lơ̆m jrŭ să, ‘lơ̆ng, đei yua.

Tổng Bí thư Tô Lâm athei 2 teh đak hơtŏk loi dơ̆ng tơdrong lui ngeh chĭnh trĭ ‘moi kiơ̆ dôm ‘măng tơƀơ̆p, pơma dơnuh khŭl kơdră  kơpal păng rim kơdră; tŭn pran jang hơdai đơ̆ng Đảng Cộng sản Việt Nam hăm Đảng Hành động Nhân dân; akhan dôm anih jang ƀơm truh 2 teh đak kăl kơ hơnơ̆ng jang hơdai kơjăp vă pơjing tơdrong jang păng trong tơlĕch jang hơdai lơ̆m dôm tơdrong jang nhen tơplih kơsô̆, ŭnh hơyuh rơgoh vă pơm hơyak tơplih ‘nao pran kơtang, pơm lăp hăm ‘meh vă păng tơdrong hơgăt hơtŏk tơiung lơ̆m chăl hle; hơdai hăm hơtŏk loi dơ̆ng jang hơdai khŭl lĭnh, vei sơđơ̆ng.