Tổng Bí thư tơƀôh đon bơnê păng tơchĕng ‘lơ̆ng dôm tơdrong tơgop đơ̆ng ƀok Assomo lơ̆m tơdrong chĕp vei păng tưk tơiung tơmam gru groa kăp gĭt tơ̆ Việt Nam. Tổng Bí thư pơma hơdăh, Việt Nam vă hơnơ̆ng mât jang hơdoi kơjăp ‘lơ̆ng lơ̆m tơdrong arih xa kơ tơpôl lơ̆m apŭng plenh teh, vang tơgop ‘lơ̆ng ăn tơdrong rơngei, atŏk tơiung kơjăp ‘lơ̆ng păng jang hơdoi jơ̆p lơ̆m plei teh.

Việt Nam ‘mĕh roi tơƀôh dôm tơdrong kăl vă vei lăng tơmam gru groa păng vă jang hơdoi ‘lơ̆ng lơ̆m rim tơdrong jang kơ UNESCO. Tổng Bí thư athei Anih vei lăng tơmam gru groa gĭt kăl apŭng plenh teh hơnơ̆ng yak hơdoi hăm Việt Nam lơ̆m tơdrong roi tơbăt dôm kơjă kăp gĭt đơ̆ng joh ayŏ kơ dŏ xoang păng pơm pơkĕh hla ar chih tơbăt Hnam soi kơ Yang plenh tơ̆ Anih gru groa Hoàng Thành Thăng Long, jăh tơroi ăn UNESCO set hơlen, chih tơbăt.