Tổng Bí thư Tô Lâm tơchĕng ‘lơ̆ng dôm tơdrong jơnei mă Mông Cổ iŏk đei lơ̆m khei ‘năr tơjê̆ âu. Găh tơdrong pơvei Việt Nam - Mông Cổ, Tổng Bí thư tơƀôh đon hơiă tơ̆ hơnăp dôm hơyak tŏk pran ‘lơ̆ng lơ̆m tơdrong pơvei 2 pang lơ̆m 70 sơnăm âu ki, iŏk đơ̆ng đei pơjing tơdrong pơvei, jang tơbôl; tơchĕng ‘lơ̆ng tơdrong 2 păh pơgơ̆r Hop akŏm mă 19 Anih jang hơdoi kơ 2 Khul kơdră teh đak Việt Nam - Mông Cổ. Tơdrong jang ‘nâu tôch gĭt kăl mư̆h bơ̆ jang kiơ̆ đon tơchĕng atŭm đơ̆ng kuan tih păng Tơdrong tơchơ̆t atŭm găh pơjing tơdrong pơvei Jang hơdoi gĭt kăl tôm tơdrong Việt Nam - Mông Cổ.

Tổng Bí thư Tô Lâm athei năng kiơ̆ tơdrong pơvei 2 pang, 2 păh hơtŏk hlŏh dơ̆ng tơdrong pơvei găh chinh trĭ, khul linh vei sơđơ̆ng teh đak, mŭk drăm-tĕch mơdro, jŏh ayŏ kơ dŏ xoang, chă tơmang lăng, pơvei ăn kon pơlei; tưk tơiung tơdrong jang hơdoi đei yoa ‘lơ̆ng lơ̆m dôm tơdrong jang lăp hăm tơdrong pran ‘lơ̆ng tơ̆ rim tơring.