Kiơ̆ trong jang đơ̆ng Trung ương, truh âu kơnh, dôm dêh char Lâm Đồng, Bình Thuận păng Đắk Nông vă tơmât hơdai jing dêh char Lâm Đồng ‘nao, anih jang kơ dêh char ‘nao pơm tơ̆ pơlei tơm Đà Lạt, dêh char Lâm Đồng. Tơchĕng adrol gô đei vă jê̆ 2.000 ‘nu kăn ƀô̆, bơngai jang kơ teh đak păng bơngai jang đơ̆ng dêh char Đắk Nông vă năm tơ̆ pơlei tơm Đà Lạt bơ̆ jang.

Tơdrong dăr hơlen năng ăn ƀôh, đei dang 20% lơ̆m kơsô̆ âu ‘mĕh bơ̆ jang kiơ̆ tơring tơdăh đei anih jang kơpal drơ̆ng nơ̆r asong jang. Ƀơm truh tơdrong hơmet ming Khul kơdră pơgơ̆r dêh char Lâm Đồng đơ̆ng rŏng kơ tơmât hơdai, tơchĕng adrol vă sơng iŏk dang 7.750 ‘nu bơngai jang lơ̆m Anih vei lăng đơ̆ng dôm dêh char adrol kơ tơmât hơdai. Dang ei, Khul pơgpơ̆r tơmât hơdai dêh char ‘nao hlôi chih tơlĕch trong tơgŭm gre yak vih vât, anih oei xa... vă tơgŭm ăn khul kăn ƀô̆, bơngai jang kơ teh đak păng bơngai bơ̆ jang sơđơ̆ng jơhngâm bơ̆jang, arih xa, hơmet tôm tơdrog vă băm jang tơ̆ anih jang ‘nao.