Iung pơma tơ̆ Hop akŏm, Kơdră tang măt teh đak Đặng Thị Thu Hà, Kơdră chĕp pơgơ̆r Hơnih bơ̆ jang ASEAN tơ̆ Maroc pơma hơdăh, đơ̆ng rŏng hloh 55 sơnăm pơjing păng atŏk tơ iung, ASEAN hlôi iŏk đei jơnei hơ iă, tơ iung pơjing păng vei kơjăp rơngei hiôk hian sơđơ̆ng, tơdrong jang hơdoi roi năr roi kơtang lang să lơ̆m pơđĭ 3 tơdrong jang tơm chinh trĭ-sơđơ̆ng, mŭk drăm păng oei sa jŏh ayŏ-tơpôl; jing khul jang hơdoi gĭt kăl hloh kơ lơ khul jang apŭng plĕnh teh păng teh đak pơdrŏng pran kơtang lơ̆m apŭng plĕnh teh lơ̆m au đei châu Phi. ‘Nau jing hơyak kăl vă atŏk kơtang tơgoăt tơgoăl jang hơdoi ASEAN-Maroc kiơ̆ trong ‘nao; adoi sơkơ̆t hơdăh Hơnih bơ̆ jang ASEAN tơ̆ Ma-rốc gô hơnơ̆ng jing gơng tơroh tơgop hơnhăk tơgoăt tơgoăl jang hơdoi lơ̆m rim tơdrong ƀar păh Maroc păng ASEAN atŏk tơ iung roi năr roi pran kơtang hloh dơ̆ng lơ̆m khei năr au kơnh.