VOV4.Bahnar - Hlo\h 3 sơ năm bơ\ jang kiơ\ tơ drong jang hơ to\k tơ iung rơ mo pơm ‘nhe\m ‘lơ\ng tru\h dang ei, ako\p đ^ đăng rơ mo pơm ‘nhe\m de#h char Lâm Đồng đei hlo\h 87.000 to\. Lơ\m no\h kơ so# rơ mo lai đei hlo\h 67% hơ to\ dang 58.000 to\. ‘Nâu jing tơ drong ‘lơ\ng vă de#h char tu\n pran kơ so# rơ mo lơ păng ‘lơ\ng lơ\m de#h char tơ\ hơ năp kơnh.

Kiơ\ hơ len lăng đơ\ng an^h jang găh vei rong kon tơ rong, tơ dăh kơ so# rơ mo to\k măh lơ păng ‘lơ\ng, an^h jang gô hơ to\k loi dơ\ng tơ drong jang hơ dai hăm rim an^h jang pơm tơ le\ch ‘nhe\m kon tơ rong t^h vă k^ pơ kăp rim hla ar răt io\k ‘nhe\m rơ mo hlôi pơm hơ met tơ\ 1,2 tơ ring lơ\m de#h char Lâm Đồng vă hơ to\k kơ jă vei rong ăn kon pơ lei.

Thuem: Tơ blơ\