VOV4.Bahnar - Krông Pách ‘no\h apu\ng đei hơgăt te\h pơtăm sâu riêng to\k bo\k ple\i să hlo\h dêh char Dak Lăk hăm hlo\h 2.000 ha, ako\p phe\ io\k đei 40.000 tân plei. Ato\k kơtang tơdrong rơvơn vă ato\k tơ iung kơ jăp ‘lơ\ng ‘long sâu riêng lơ\m sơnăm kơnh, khu\l kơdră che\p pơgơ\r păng kon pơlei jang sa apu\ng Krông Pach to\k bo\k ato\k tơ iung rim hơyak jang sa kiơ\ trong pơkăp ‘lơ\ng VietGAP, GlobalGAP, sơđơ\ng [lep pơkăp ‘lơ\ng apu\ng ple\nh te\h găh rơgo\h ‘lơ\ng tơmam sa păng tơbăt hơdăh tơring pơtăm. ‘Nau dôm tơdrong pơkăp kăl hlo\h ăn te\ch mơdro tơ\ te\h đak đe.

Sầu riêng Krông Pach pơlăp kmăi tơbăt hơdăh tơring pơtăm

Dôm năr vă đ^ sơnăm mơdu\k mơdăk ‘măn răk ăn sơng sơnăm ‘nao, [ok Bùi Bá Dũng, oei tơ\ buôn Jung, tơring Ea Yông, apu\ng Krông Pach, dêh char Dak Lăk ư\h kơ hiơt năm tơ\ mir ‘long sâu riêng pơtăm hrau lơ\m pơgar chehphe atăih kơ hnam 2km vă năm lăng mir pơgar păng chă tơruih đak ăn ‘long pơtăm. {ok Dũng tơbăt, đei Dơno\ an^h vei lăng Cho\h jang sa păng ato\k tơ iung tơring tơrang apu\ng Krông Pach chă pơtho ăn, khei 3 sơnăm 2019, 2 ha sâu riêng hlôi pơlăp chip điên tư tơbăt hơdăh an^h jang. Atu\m hăm ‘no\h, jang kiơ\ te\ch mơdro sâu riêng tơ\ te\h đak đe kiơ\ trong te\ch tơm, kơ d^h [ok păng lơ bơngai pơtăm sâu riêng tơ\ au hlôi vang ho\k pơhra\m păng tơpl^h trong jang sa sơđơ\ng [lep rim pơkăp ‘lơ\ng VietGAP, GlobalGAp. “{ar păh sầu riêng Viet Gap hăm sâu riêng chă jang vei lăng hmă đơ\ng sơ\ tru\h dang ei ‘no\h mă blu\ng dă [iơ\ tơhoach kon jên jang, mă [ar ‘no\h pho\ng, pơgang vei lăng ‘long pơtăm hăp đei sơđơ\ng rơgo\h hlo\h. Dang ei m^nh [ar u\nh hnam đe jang kiơ\ ‘no\h kơ jă hăp măt hlo\h, bơngai chă răt năm răt măt [iơ\. Pơt^h gia nhen tơring au ‘no\h u\nh hnam nhôn cha ưte\ch măt [iơ\, tơdrong chă vei lăng jei dă [iơ\ sơdrông pơra\m dơ\ng.”

{ok Dũng tơruih đak ăn pơgar ssau riêng hăm kmăi kơt^t tơruih đơ\ng atăih

Tơdrong tơpl^h trong jang sâu riêng ư\h khan pơm hơto\k kơ jă măt, mă lei oei pơjing rơvơn ăn m^nh jơhnơr kon pơlei cho\h jang sa pơ\n chă jang sa kơtang, tơche\ng kơtang, băt chă răt pơtăm hơdre\ch ‘nao hle, io\k yua kmăi kmo\k hle vă yak tru\h jang sa io\k yua kơ jăp. Hăm 30 tân đei phe\ io\k lơ\m 1 ha sâu riêng, ‘nho\ng Y Siên Ayun, buôn Jung 2, tơring Ea Yông akhan, ‘nau jing m^nh jăl jang sa sơđơ\ng hlo\h mă 5 sơnăm hơdrol au ki sư ư\h kơ pơ\n tơche\ng tru\h. Pơbu\ng hnam ‘nao man kơ jă kơ jên hloh 1 ti hlak jên đơ\ng plei ‘ngam mă ‘nho\ng io\k đei đơ\ng mir pơgar sâu riêng kơ po: “Sơ\ chă pơtăm sâu riêng ư\h kơ băt jang kiơ\ kih thuơ\t vei lăng, jei tơruih đak, prôi pho\ng tuh mơ\r mă lei ư\h kơ băt chă pruih pơgang tang găn sơdrông ăn ‘long pơtăm. Lăp đơ\ng ro\ng vang ho\k pơhra\m lăm ho\k pơtho pơhra\m jang sa păng ho\k pơ hrăm trong jang sâu riêng đơ\ng dôm bơngai jang sa gơ\h đei io\k yua kơ jăp. Hrei au, pă kăl chă ap^nh ho\k pơhra\m đơ\ng đe bơih, kơ d^h ba chă jang ngăl. Đơ\ng mă tơpl^h trong jang sâu riêng tơdrong er^h sa đei sơđơ\ng ‘lơ\ng hơ iă, răt đei mu\k drăm lơ\m u\nh hnam.”

{ok Y Ngắc Niê, Kơdră che\p pơgơ\r Khu\l kon pơlei cho\h jang sa tơring Ea Yông, apu\ng Krông Pach tơbăt, dang ei lơ\m tơring đei 900 ha ‘long sa plei, hơdro# ‘long sâu riêng ‘no\h đei 700 ha, lơ\m au đei 500 ha hlôi đei plei. Pơyan sơnăm 2019, lơ\m tơring te\ch đei hlo\h 7.500 tân plei sâu riêng, io\k đei 300 ti hlak jên. Jei kiơ\ đơ\ng ‘nho\ng Y Ngắc, mă đơ\ng kơ jă sâu riêng ư\h kơ gan măt nhen sơnăm 2018, mă lei hăm kơ jă đơ\ng 45.000 tru\h 55.000 hlak jên lơ\m 1 k^ jei hlôi hơnhăk đei tơdrong jang sa io\k yua kơ jăp ăn u\nh hnam pơtăm sâu riêng, tơgum ăn rim pơlei tơ\ au ato\k tơ iung kơtang: “Đơ\ng mă đei sâu riêng hơnhăk ăn tơdrong ato\k tơ iung kơ kon pơlei bơngai Êđê, nhen tơdrong er^h sa kơ u\nh hnam ‘nho\ng Y Thơm, Y Siên hlôi đei [o#h tôch kơ dêh bơih … nhen dôm u\nh hnam mă ^nh ‘nao tơroi đe sư băt chă prôi pho\ng tu\h mơ\r, pơgang vei lăng ‘long pơtăm kơna sâu riêng hăp jing ‘lơ\ng plei trem. Đei lơ u\nh hnam pơtăm lơ\m 1 ha phe\ io\k đei đơ\ng 15-20 tân.

Kon pơlei cho\h jang sa Krông Pach phe\ te\ch sâu riêng

Dak Lăk hrei au đei hlo\h 5.000 ha sâu riêng, lơ\m au hơdro# apung Krông Pach đei tru\h hlo\h 2.000 ha, tơmơ\t 1/2 hơgăt te\h pơtăm lơ\m dêh char. Ako\p phe\ io\k đei lơ\m pơyan jang sâu riêng sơnăm 2019 kơ apu\ng ‘no\h đei 33.000 tân hơnhăk đei io\k yua kơ jăp ăn kon pơlei jang sa. {ok Nguyễn Huy Hoàng, Kơdră che\p pơgơ\r Dơno\ an^h vei lăng Cho\h jang sa păng Ato\k tơ iung tơring tơrang pa\ng Krông Pach tơbăt, vă iung jang tơmơ\t jang pơjing đei tơmam drăm yak tru\h ato\k tơ iung kơ jăp ‘lơ\ng tơmam drăm sâu riêng, sơnăm 2019 apu\ng Krông Pach hlôi jang hơdoi hăm rim an^h bơ jang păng kon pơlei pơjing đei vă je# 400 ha te\h jang sa đei hla bơar tơchơ\t ‘lơ\ng VietGap păng vă je# 400 ha te\h jang đei tơbăt groi te\h jang pơtăm sâu riêng. Mă đơ\ng hơgăt te\h chă pơtăm kiơ\ trong au ư\h kơ să mă lei ‘măng mă blu\ng jei tơpl^h hơdăh jơhngơ\m đon tơche\ng, trong jang sa kơ kon pơlei pơtăm ‘long sa plei pơma atu\m păng jang pơtăm sâu riêng pơma hơdro#. “Hăm tơmam drăm sâu riêng lơ\m apu\ng Krông Pach đei bơngai răt sa hôn bơnê. Hơmo\ hơtang hlo\h lơ\m sơnăm 2020 păng dôm sơnăm đơ\ng ro\ng ‘no\h hơpơi ‘me\h vă kơtang hlo\h ‘no\h Te\h đak pơm lơ liơ plei sâu riêng kơ Dak Lăk pơma atu\m păng sâu riêng Krông Pach nhen le\ tơring tơm pơtăm sâu riêng gô đei te\ch mơdro tơ\ te\h đak boăl păng đei lơ te\h đak băt tru\h. Nhôn gô kơru\n đ^ jơhngơ\m atu\m hăm kon pơlei vă jang sa [lep hăm tơdrong tơchơ\t ‘lơ\ng kiơ\ tơdrong đe vă răt io\k păng hơmo\ gô đei te\ch mơdro tơ\ te\h đak đe lơ\m sơnăm 2020 păng dôm sơnăm đơ\ng ro\ng ‘no\h.”

M^nh pơyan puih mak dơ\ng v^h hăm groi te\h go#h bazan ‘lơ\ng lie\m, hăm tơdrong tơpl^h jơhngơ\m đon tơche\ng jang sa kơ kon pơlei pơtăm sâu riêng păng tơdrong vang iung jang kơtang đơ\ng an^h bơ\ jang vei lăng cho\h jang sa apu\ng Krông Pach hơmo\ ăn sâu riêng gô hơnhăk ba ăn dôm pơyan io\k yua kơ jăp tơpă, tơgop hơnhăk đei tơdrong er^h sa ph^ tơto\ dơno\ ‘lơ\ng dơ\ng kơ jăp ăn kon pơlei tơ\ au.

Bơngai ch^h: Nam Trang

Tơblơ\ nơ\r: Amazưt