VOV4.Bahnar – Vă je# 15.000 ha hơ [o lơ\m te\h đak đei sơ drông ‘long keo phă. Te\h pơ tăm răm sơ drông phă oei to\k hơ nơ\ng păng ro\ năng gô tơ po\h truh dôm pơ yan pơ tăm hơ [o đơ\ng ro\ng dơ\ng. ‘Nâu j^ tơ drong tôch kăl đei pơ ma tơ le\ch lơ\m Hop ako\m hơ to\k tơ drong jang pơ gơ\r tang găn sơ drông ‘long keo phă hơ [o tơ\ dôm dêh char găh Pơ băh Tơ ring To\k bo\k păng Tây Nguyên yoa An^h tơm vei lăng choh jang xa păng ato\k tơ iung tơ ring tơ rang pơ gơ\r hơ tuch gie\ng adrol ki tơ\ plt Pleiku, dêh char Gia Lai.

Jơ Hop ako\m găh trong tang găn sơ drông phă hơ [o

Lơ\m hop ako\m, dôm bơ ngai tang măt truh đơ\ng 13 dêh char găh pơ băh tơ ring To\k bo\k păng Tây Nguyên adoi akhan, sơ drông ‘long keo oei phă pơ răm hơ [o tôch dêh păng tang găn tôch mơ mat. Tơ ring âu đ^ đei vă truh 7.000 ha hơ [o răm kơ sơ drông phă. Pho\ Kơ dră vei lăng kon pơ lei dêh char Gia Lai, Kpă Thuyên ăn tơ băt, hăm lơ tơ drong mơ mat tat, tam mă ‘lơ\ng lơ\m tơ drong tang găn, oei te\h pơ tăm hơ [o hiong răm tơ\ dêh char roi đunh roi to\k. Jo# truh to\k bo\k khei 7, lơ\m dêh char đei truh 5.000 ha lơ\m kơ so# 31.000 ha hơ [o răm kơ sơ drông phă, rim kơ loăi hơ dre\ch hơ [o ku\m đei sơ drông phă ngăl:

“Tơ drong ‘lơ\ng đơ\ng tang găn sơ drông ‘long keo phă tam mă lơ, yoa ‘nâu j^ 1 kơ loăi sơ drông phă ‘nao kơ na kon pơ lei tam mă gan băt găh kơ loăi sơ drông âu. Tơ drong tơ roi tơ băt păng nơ\r pơ tho đơ\ng khul kơ dră tơ ring tam mă xă, tam mă ako\m đei khul jang kơ tă tơ\ tơ ring vă tơ gu\m ăn kon pơ lei tang găn sơ drông. Tơ drong pơ tăm hơ [o ưh đei hrơ\ch 1 ‘măng, lơ\m 1 tơ ring đei lơ pơ gar hơ [o pơ tăm pha ra khei ‘năr, pơm mơ mat tat ăn tơ drong tang găn, ưh ăn sơ drông lang xă, phă pơ răm.”

Kiơ\ An^h vei lăng ‘long pơ tăm, truh to\k bo\k khei 7, lơ\m te\h đak pơ tăm đei dang 415 rơ bâu ha hơ [o, te\h pơ tăm răm kơ sơ drông phă vă je# 15.000 ha. Lơ\m no\h, te\h pơ tăm hiong răm dêh hlo\h đei dang 1.300 ha. Lơ\m khei 7, hơ [o oei pơ tăm hơ nơ\ng kơ na te\h răm kơ sơ drông phă oei to\k hơ nơ\ng đe\ch. Kăl loi, hơ [o pơ yan ‘nâu oei ‘nao pơ tăm ngăl, ‘nâu j^ khei ‘năr [ônh đei sơ drông xa hla phă dêh hlo\h. Atu\m hăm ‘no\h, hăm tơ drong pơ tăm hơ [o tơ til băl, sơ drông hơ nơ\ng chek lar phă truh dôm pơ yan đơ\ng ro\ng dơ\ng.

Pho\ kơ dră tơm vei lăng choh jang xa păng ato\k tơ iung tơ ring tơ rang Lê Quốc Doanh pơ ma lơ\m hop ako\m

Pho\ kơ dră tơm vei lăng choh jang xa păng ato\k tơ iung tơ ring tơ rang Lê Quốc Doanh ăn tơ băt, ưh lăp pơm hiong răm tơ\ hơ [o đe\ch, sơ drông ‘long keo oei tôch hơ mơt hăm dôm kơ loăi ‘long pơ tăm nai hai kơ na athei kơ chăng tang găn sư:

“Bơ\n athei hlôh vao tôm tơ drong, ‘nâu j^ 1 kơ loăi sơ drông phă tôch hơ mơt, sư xa ưh lăp hơ dro# hơ [o đe\ch, mă oei xa lơ kơ loăi ‘long pơ tăm nai hai, mă lei xa lơ hlo\h j^ hơ [o. Krê loi, bơ\n pơ tăm hơ [o hơ nơ\ng, tam mă ko\h hơ [o pơ yan ‘nâu đ^ rei pơ tăm pơ yan plơ\ng dơ\ng bơih kơ na tôch krê sơ drông phă. Oei kơ loăi sơ drông âu chek lar, tih vơ\ ku\m tôch hre\nh.”

Tơ\ hơ năp dôm tơ drong ưh kơ ê đơ\ng sơ drông ‘long keo phă hơ [o, Pho\ kơ dră Lê Quốc Doanh ku\m athei khul kơ dră tơ ring, an^h jang kơ pal kơ dôm dêh char kơ chăng, adrin bơ\ jang lơ trong tang găn kiơ\ nơ\r pơ tho đơ\ng An^h tơm; tơ roi tơ băt, pơ tho tơ [ôh ăn kon pơ lei bơ\ jang kiơ\ trong tang găn vă pơm tơ jur [iơ\ hiong răm păng sơ drông phă lang xă. Hăm An^h vei lăng ‘long pơ tăm păng dôm an^h tơ che\ng hơ len tơ\ tơ ring athei jăh tơ che\ng hơ len mă hre\nh dôm trong jang tang găn sơ drông phă ‘lơ\ng hlo\h vă tơ le\ch jang kiơ\ lơ\m dôm pơ yan hơ [o truh âu kơnh.

Dơ\ng: Tơ blơ\