Tơdrong pơgơ̆r gô đei 12 khinh khĭ kâu, lơ̆m noh 10 tŏ 'măn ăn tơmoi păr juang păng 2 tŏ 'măn pơdah ah Cham pơhiơ̆ 10/3 (pơlei tơm Buôn Ma Thuột). Rim 'măng păr đunh đơ̆ng 5 – 10 pơnĭt ah hơnih kơjung 50m, kơjă vĕ đơ̆ng 140.000 – 800.000 hlj. Tơchơ̆t gô pơm tơlĕch pơhlom 1.500 tŏ vĕ.

Atŭm hăm tơdrong păr juang, tơmoi oei đei akŏm joh ayŏ - xa tơmam xa kăp gĭt, akŏm hơri hơsuang juăt jue kơ tơring. Dêh char oei pơgơ̆r lơ tơdrong joh ayŏ kơdŏ suang, tơplŏng kơdou nhen pơdah tôn chĭng chêng, hơri hơsuang trong kơphô̆, pơdah um rŭp, dôm tơmam xa juăt jue... pơjing đei tơdrong tơmang pơhiơ̆ 'lơ̆ng hơ-iă, ƀenh kơ um ai joh ayŏ Tây Nguyên.