Lơ̆m 5 năr pơdơ̆h lêh, apŭng Kon Plông, dêh char Kon Tum, đei Hơnih Tơmang pơhiơ̆ cham char teh đak Măng Đen hlôi sơng đei 55.000 ‘nu tơmoi tơmang pơhiơ̆, hơtŏ hăm hloh 10.000 ‘nu tơmoi lơ̆m 1 năr păng găh lơ tơmoi lơ̆m teh đak. Akŏp iok đei đơ̆ng tơmang pơhiơ̆ lơ̆m apŭng ƀơ̆t jơ ‘năr pơdơ̆h lêh dang hloh 19 ti hlak jên, pơ đĭ tơdrong jang ăn tep pơdơ̆h, sŏng sa, tơmang pơhiơ̆ hơnih tơmang lăng ... Ƀok Đặng Đình Toán, Kơdră chĕp pơgơ̆r Hơnih jang vei lăng Joh ayŏ, Khoa hŏk păng Kơtơ̆ng ang apŭng Kon Plông tơbăt, jơ ‘năr sơđơ̆ng, rơhao păng lơ tơdrong pơgơ̆r hơ iă hlôi tơgop pơjing đei hơnih dơ̆ng hơ iă kơ Măng Đen lơ̆m hla kak tơmang pơhiơ̆ Tây Nguyên păng lơ̆m teh đak.