Tơdrong jang ‘noh jĭ 1 lơ̆m tơdrong bơ̆jang kiơ̆ hơnăp jang đơ̆ng Tơdrong jang 6 lơ̆m tơdrong jang tơm teh đak hơtŏk tơiung mŭk drăm - tơpôl tơring kon pơlei kon kông păng tơring groi kông, jăl jang 2021- 2030. Vang jang tơdrong jang hăm tơdrong pơtho đơ̆ng dôm bơngai jang tơroi tơbăt păng tơdrong pơtho lơ̆m tơpôl, dôm bơngai hŏk đei hŏk dôm tơdrong gơh tôn chĭng chêng truh hơmet ming re pro đa tơƀơ̆p ƀơ̆t tôn chĭng chêng, chă hơlen lăng dơ̆ng 1,2 ƀai chĭng so kơ bơngai Ê Đê.

Dôm bơngai hŏk kŭm đei pơtho iŏk yua um rup vă tơroi dôm tơdrong tơroi găh joh ayŏ hơdrĕch kon kông. Tơdrong jang tơgŭm kon pơlei hlôh vao hơdăh hloh găh kơjă kăp gĭt tơmam so mă bơ̆n tŏk bŏk chĕp vei, sa roi chhôk ‘nă păng hơnơ̆ng pơtho tơdrong tôn chĭng chêng Tây Nguyên; pơm tơdrong hiôk vă tơdrong tôn chĭng chêng jing tơdrong ‘lơ̆ng ăn tơmang lăng, tơgoăt hơdai tơpôl păng pơm tơdrong jang tơmang lăng kăp gĭt. Đơ̆ng rŏng pơlei tơm Buôn Ma Thuột, Anih jang gô hơnơ̆ng tơlĕch jang, pơih să tơ̆ dôm apŭng vă pơm đei trong jang tơgoăt hơdai dôm tơdrong kăp gĭt tơ̆ dêh char Đắk Lắk.