Hơnih pơgơ̆r Festival Pơkao Đà Lạt ‘măng mă X-2024 rŏ năng vă pơma jĭ mĭnh lơ̆m dôm hơnih pơgơ̆r tih hloh đơ̆ng sơ truh dang ei tơ̆ Đà Lạt hăm akŏp cham să chă joh ayŏ kơdŏ soang vă jê̆ 2.000m2. Tơdrong kăl kơ cham joh ayŏ ou đei 5 tŏ tivi Led tih, akŏp să truh 1.000m2. Hơnih pơgơ̆r joh ayŏ kơdŏ soang ou đei pơrŏ tôch kơ ‘lơ̆ng lăng nhen lĕ lơ̆m phim hăm dôm kơmou ‘lơ̆ng rŏ đei chă pơrŏ ‘noh rim kơ loăi pơkao gĭt kăl kơ Đà Lạt nhen: pơkao Hồng, Mimosa, Cẩm Tú Cầu, Pơkao Dur, lơ̆m ou đei rup “pơkao Dur” vă tơbăt ăn jơhngơ̆m đon tơgoăt tơgoăl păng tơdrong hơdrin kơ kon pơlei Đà Lạt. Gơmăng pơgơ̆r blŭng a Festival Pơkao Đà Lạt ‘măng mă X - 2024 hăm hơnih joh ayŏ ‘lơ̆ng rŏ gô pơm ăn rơbou ‘nu tơmoi chă lăng lăp kơ đon.