VOV4.Bahnar - Pơrang j^ Covid-19 hlôi tơre\k kơne# truh tơdrong jang mu\k drăm kơ teh đak pơma atu\m, tơdrong te\ch răt dôm tơmam drăm kơ rim tơring pơma adro#. Tơ\ Lâm Đồng, hăm tơdrong hli hlơt đơ\ng pơrang j^, tơdrong pơm tơle\ch dôm tơmam choh pơtăm– tơdrong pran kơ dêh char âu duh oei pơtoi đei vei xơđơ\ng păng hơto\k. Ke\ đei jơnei âu noh gơnơm lơ\m dôm tơdrong tơroh jang hadoi păng te\ch tơmam pơm tơle\ch đơ\ng kon pơlei păng anih jang mu\k drăm.

Đơ\ng blu\ng xơnăm truh dang ei, tơdrong pơtăm ‘nhot kơ pơgar ‘Nhot rơgoh Kiêm Hùng, tơ\ apu\ng Đơn Dương, dêh char Lâm Đồng pơtoi đei vei xơđơ\ng, jo# hloi lơ\m khei năr pơmkiơ\ tơchơ\t tơklăh oei ataih băl lơ\m tơpôl vă tang găn păng tơjră j^ Covid-19. Yă Nguyễn Thị Kiêm, tơm pơgar ‘nhot ăn tơbăt, rim tơdrong jang kơ pơgar ưh đei răm kiơ đơ\ng j^ Covid-19 noh yuơ 100% tơmam pơtăm đei adoi te\ch kiơ\ pơkăp, ‘nhot rơgoh ‘lơ\ng, kơjă te\ch duh xơđơ\ng kiơ\ tơchơ\t đơ\ng đunh: “Lăng atu\m tơmam dôm tơring nai noh [ơm răm, oei tơmam nhôn noh ưh đei tơdrong kiơ ôh. Tơmam âu nhôn vei lăng tơnăp, tơchơ\t rơgoh, nhôn hơmet ‘nu\ng đang noh gơh ‘măn đơ\ng 4 truh 5 năr, đe năm tơ\ kơchơ răt ‘măn đơ\ng 3 truh 4 năr duh ‘lơ\ng đe\ch”

Duh nhen noh, [ok Lê Công Thôn, tơ\ th^ tra#n Liên Nghĩa, apu\ng Đức Trọng (Lâm Đồng) duh hiôk hian tơjră hăm tơdrong hli đơ\ng pơrang j^ Covid-19. Kiơ\ kơ [ok Thôn, tơdrong răt ‘nhot đơ\ng kon pơlei ưh đei tơjur, pho\ oei to\k lơ hloh yuơ dôm siu th^, anih te\ch tơmam xa, kơchơ adoi hơto\k vei răk vă axong măh ăn tơdrong kăl. Yuơ noh [ơ\t kon pơlei jang mir vang jang tơroi dih băl noh pơm tơle\ch păng te\ch roi hiôk vă vei xơđơ\ng ăn tơdrong pơm jang mu\k drăm unh hnam: “Tơmam mă kon pơlei pơtăm đei kiơ\ pơkăp tơroh jang hadoi noh ưh đei răm kiơ ôh. Dang nhôn pơm tơle\ch păng te\ch hlot ngăl ưh đei tơhlăk kiơ ôh. Pơtih nhen, mưh pơtăm ‘nhot ưh đei jang kiơ\ pơkăp hadoi noh đe pơdro gô pơđep răt hăm bơngai choh pơtăm. Mă lei hăm nhôn noh jang hadoi kơjăp păng 2 păh atu\m pơyua. Minh păh chă anih te\ch tơle\ch, oei minh păh noh pơtăm ‘nhot ‘lơ\ng vă tơmam ‘nhot te\ch tơle\ch gơh ‘lơ\ng”.

Atu\m hăm kon pơlei jang mir, lơ anih jang mu\k drăm kơ dêh char Lâm Đồng duh vei xơđơ\ng tơdrong jang te\ch pơdro păng pơtăm ‘nhot plei ‘long. {ok Lê Quang Thành Liêm, Kơdră Jơnu\m pơgơ\r kơ Anih choh jang xa Trình Nhi, Tơdrogn jang Ko\ng ng^p Phú Hội, apu\ng Đức Trọng, dêh char Lâm Đồng ăn tơbăt: anih jang duh oei pơtoi pơm tơle\ch đei 20 ta#n tơmam xa minh năr nhen ‘năr hmă. Atu\m hăm axong xơđơ\ng tơmam xa, anih jang [ok oei vei xơđơ\ng tơdrong răt tơmam choh pơtăm ăn je# 200 unh hnam kon pơlei jang hadoi: “Tơpă tơring te\ch răt lơ\m teh đak Việt Nam bơ\n xă hloh pơtêng hăm dôm teh đak nai. Rim anih jang mu\k drăm mă pơm tơle\ch đơ\ng ro\ng kơ pe\ yua đei lơ anih jang răt tơmam đơ\ng dôm teh đak nai mă g^t noh đơ\ng Trung Quốc, lơ\m khei năr pơrang j^ Covid-19 pơlang xă âu, đe xư vih răt hơlơ\k tơmam đơ\ng dôm hnam kơmăi pơm tơle\ch tơmam xa đơ\ng Việt Nam. ‘Nâu hơdăh duh jing minh trong jang hiôk”.

          Kiơ\ kơxo# hơlen đơ\ng anih jang kơpal dêh char Lâm Đồng, ako\p kơjă tơmam te\ch ăn teh đak đe lơ\m 3 khei blu\ng xơnăm kơ dêh char tơjur je# 20% pơtêng hăm khei năr âu xơnăm xơ\, mă lei găh ‘nhot, [um plei te\ch ăn teh đak đe jo# hơlen đei 5 rơbâu 200 ta#n, đei jơnei 10,5 triu đôlar, to\k 30% găh kơxo# păng 4,9% găh kơjă. {ôh hơdăh, lơ\m khei năr pơrang j^ Covid-19 hơbuh hli, anih jang mu\k drăm păng kon pơlei jang mir dêh char Lâm Đồng hlôi che\p vei tơnăp tơdrong ‘lơ\ng dôm trong jang tơguăt hadoi, xơđơ\ng pơm tơle\ch tơmam choh jang vă axong te\ch ăn tơdrong kăl lơ\m tơring. ‘Nâu đei lăng jing minh hơyak kơjăp xơđơ\ng kăl đei pơtru\t vă hơto\k păng pơih xă trong jang lơ\m khei năr truh.

Lan chih păng rapor