VOV4.Bahnar - Lơ̆m dang 3 sơnăm âu ki, dêh char Gia Lai chih jô̆ đei hlŏh 2.200 klo kăn oei băl hrôih, tam tôm sơnăm, lơ̆m nŏh vă jê̆ 97% klo kăn âu jĭ bơngai kon kông. Pơm thoi yơ vă găn ƀiơ̆ tơdrong iŏk unh om hrôih, oei băl hơgăm? ‘Nâu jĭ tơdrong mă dôm anih jang kơpal, khul grŭp, tơring tơrang tơ̆ Gia Lai vang bơ̆ jang, hăm lơ trong jang tôch rơđăh, lơ̆m noh đei tơlĕch tơdrong jang “Găn ƀiơ̆ tơdrong iŏk unh om hrôih păng oei băl hơgăm tơ̆ tơring kon kông đơ̆ng 2021 – 2025” găh tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021 – 2030.

VOV4.Bahnar - ‘Noh jĭ nơ̆r pơma hơdăh đơ̆ng Phŏ kơdră Anih vei lăng hơdrĕch kon kông Y Thông, Kơdră khŭl Việt Nam tơ̆ jăl hôp ‘măng mă 111 kơ Anih vei lăng tơdrong pơkăp apŭng plĕnh teh găh sut hŭt rim trong pơdê hăm bơngai kon kông (CERD)‘nao pơgơ̆r tơ̆ Geneva, Thụy Sỹ.

VOV4.Bahnar - Apŭng Sa Thầy jĭ tơring mă blŭng kơ dêh char Kon Tum jang đang tơdrong tơmât hơdai kơchư̆k Bí thư Chi ƀô̆ pơm hloi Kơdră pơgơ̆r pơlei păng Bí thư Chi ƀô̆ pơm hloi Bơngai vei lăng Khul jang Mặt trận pơlei, kiơ̆ tơdrong tơchơ̆t 21, ‘năr 16/6/2022 đơ̆ng Khul kơdră chĕp kơ̆l Trung ương Đảng jăl XIII găh hơtŏk tơdrong hơmet kơjăp anih jang đảng păng hơtŏk tơdrong đei yoa ‘lơ̆ng đơ̆ng khul đảng viên lơ̆m chăl ‘nao. Tơdrong tơmât hơdai kơchư̆k ăn 1 ‘nu bơngai jang hlôi tơgŭm ăn apŭng tơjur đei khul bơngai jang, hơtŏk tơdrong đei yoa mưh chĕp kơ̆l pơgơ̆r, vei lăng, bơ̆ jang dôm tơdrong jang chinh trĭ.

VOV4.Bahnar - Yak hloh mĭnh poăt jăl jang mă 1 kơ Tơdrong jang tơm Teh đak atŏk tơ iung muk drăm-tơpôl tơring kon kông păng tơring groi kông mă lei kon jên jang đơ̆ng tơdrong jang au tơ̆ lơ tơring oei rim mă truh hăm kon pơlei dơnuh. Tơ̆  Quảng Nam, Hơnih chĕp pơgơ̆r Tơdrong jang Teh đak dêh char hlôi iung jang hơmet pơ ‘lơ̆ng rim tơdrong tơhlăk tơhlĭn hrei au, hơnơ̆ng tơklep kợăp hăm tơring, tơtom hơmet pơ ‘lơ̆ng tơhlăk tơhlĭn. Dêh char au jei pơjing rim hla bơar tơchơ̆t trŏ lăp, hơdăh hăm rim trong jang kơ tơdrong jang teh đak vă rim hơnih bơ̆ jang, tơring ƀônh pơm kiơ̆ păng tơlĕch jang.

VOV4.Bahnar - Hơnơ̆ng pơgơ̆r Hop akŏm mă 6 Kuô̆k hô̆i jăl XV, giĕng au ki rim kơdră tang măt hlôi pơma dơnuh găh pơtôch sơng pơma dơnuh hăm kon pơlei, xek tơlang kơthơ tơkêng đơ̆ng kon pơlei. Rim kwodră tang măt athei, Khul kơdră Teh đak kăl dăr lăng, pơm hơdăh tơdrong tơm pơm ăn vă đei trong xek tơlamg keh đang dôm tơdrong tơkêng đunh đai tai sơnăm xek tơlang ưh kơ jăh keh đang.

VOV4.Bahnar - Bơ̆ jang tơdrong pơjei băl “Yoa bơngai tơnuh – ưh đei hŭt hơchăng bu tơ̆ rŏng”, lơ̆m dôm sơnăm âu ki, Anih Mặt trận Tổ quốc Việt Nam dêh char Đắk Lắk hlôi tơlĕch lơ tơdrong jang tôch đei yoa vă chă tơgŭm ăn bơngai tơnuh jang tŏk, pơm sơđơ̆ng tơdrong arih xa, lơ̆m nŏh đei tơdrong tơgŭm hnam ăn bơngai pơmat tat. Lơ hnam ‘nao đei tơplih ăn hnam hiăh hiok, hlôi tơgŭm ăn lơ bơngai tơnuh, pơmat tat ƀôh hiôk jơhngâm hăm tơdrong ‘mêm mơnat đơ̆ng tơpôl.

VOV4.Bahnar - Mưh đei tơdrong chă hil hơreh teh dong lơ̆m ŭnh hnam boăl, hăp gô pơm ăn đei tơdrong ơ̆h sơ ‘ngon ưh kơ lai yơ klăih, pơm ăn ŭnh hnam bơ̆n hơrih sa ling lang chhŭr nuih ... Kơ yuơ lơ loh, mưh đei tơdrong chă hil hơreh teh dong lơ̆m ŭnh hnam, bơ̆n kăl pơm yă kiơ vă đei vei lăng năng tông, hoei đei tơdrong chă teh dong dih băl lơ̆m ŭnh hnam? Dôm bơngai băt tơdrong chă hil hơreh teh dong lơ̆m ŭnh hnam hăm đei khôi luơ̆t vei lăng năng tông dăh mă ưh mưh tơroi tơbăt ăn khul bơ̆ jang? Hơnih bơ̆ jang ayơ vei lăng năng tông bơngai răm? Thạc sỹ-Luật sư Đỗ Đăng Khoa, Khul Luơ̆t sư Quận 7, Pơlei tơm Hồ Chí Minh gô tơlang hơdăh găh tơdrong au.   

VOV4.Bahnar - Lơ̆m dôm sơnăm tơjê̆ âu, rim anih jang chinh trĭ tơ̆ jơ̆p tơring ‘măn lơ tơdrong tơrĕk truh tơdrong chă rơih, pơtho pơhrăm, pôk hơtŏk kăn ƀô̆ tơ̆ tơring kon kông; đei lơ trong tơgŭm hăm kăn ƀô̆ drŏ kăn bơngai kon kông. Mă lei, tơdrong jang kăn ƀô̆ drŏ kăn, kăn ƀô̆ bơngai kon kông hrei ‘nâu oei tam mă pơm lăp hăm tơdrong ‘mĕh vă. Kăl đei trong jang pran ‘lơ̆ng hlŏh dơ̆ng, mă loi lơ̆m tơdrong jang tơbôl, mât hơdai hăm apŭng plenh teh.

VOV4.Bahnar - Lơ̆m ƀar năr, năr 21 păng 22/11, tơ̆ Hải Phòng, Hơnih tơm vei lăng Hnam trương pơtho pơhrăm pơgơ̆r Hop akŏm Tơdrong ƀôh yan au păng trong jang hơtŏk kơtang bơ̆ jang ‘lơ̆ng xut xa ưh kơbăt kơchư ăn kon pơlei tơring kon kông.

VOV4.Bahnar – Pơgê năr 22/11, Jơnŭm pơgơ̆r 515 dêh char Gia Lai hlôi pơm lêh akŏm linh jang sơnong chă sir kôch kơting Linh păng bơngai Juăt jang Việt Nam lôch tang lơ̆m khei năr tơblah vang tơ̆ Campuchia.